ગુરુવારે ન્યુ યોર્ક સિટીની હડસન નદીમાં એક પ્રવાસી હેલિકોપ્ટર ક્રેશ થયું હતું, જેમાં ત્રણ બાળકો સહિત છ લોકોના મોત થયા હતા. મૃતકોમાં સ્પેનના એક જ પરિવારના પાંચ સભ્યો અને પાઇલટનો સમાવેશ થાય છે. આ માહિતી રોઇટર્સ અને એએફપી જેવી આંતરરાષ્ટ્રીય સમાચાર એજન્સીઓ દ્વારા આપવામાં આવી છે. ન્યૂ યોર્કના મેયર એરિક એડમ્સે આ દુ:ખદ અકસ્માતની પુષ્ટિ કરતા કહ્યું, “અત્યાર સુધી તમામ છ પીડિતોને નદીમાંથી બહાર કાઢવામાં આવ્યા છે અને કમનસીબે બધાને મૃત જાહેર કરવામાં આવ્યા છે. આ એક હૃદયદ્રાવક અને દુ:ખદ અકસ્માત છે.
અમેરિકાના રાષ્ટ્રપતિ ડોનાલ્ડ ટ્રમ્પે પણ આ અકસ્માત પર દુઃખ વ્યક્ત કર્યું છે. તેમના સોશિયલ મીડિયા પ્લેટફોર્મ ટ્રુથ પર, તેમણે લખ્યું, “હડસન નદીમાં ભયાનક હેલિકોપ્ટર ક્રેશ. એવું લાગે છે કે પાઇલટ, બે પુખ્ત વયના લોકો અને ત્રણ બાળકો હવે આપણી સાથે નથી. અકસ્માતનો વીડિયો અત્યંત ભયાનક છે. ભગવાન મૃતકોના પરિવાર અને મિત્રોને શક્તિ આપે.”તેમણે એમ પણ કહ્યું કે પરિવહન સચિવ સીન ડફી અને તેમની ટીમે આ મામલાની તપાસ શરૂ કરી દીધી છે અને વિગતવાર માહિતી ટૂંક સમયમાં જાહેર કરવામાં આવશે.
અકસ્માત કેવી રીતે થયો?
ન્યૂ યોર્ક પોલીસ કમિશનર જેસિકા ટિશના જણાવ્યા અનુસાર, બેલ 206 મોડેલનું હેલિકોપ્ટર ન્યૂ યોર્ક હેલિકોપ્ટર ટુર્સ દ્વારા ૧૫ પર પહેં હેલિકોપ્ટર બપોરે ૩ વાગ્યે શહેરના એક હેલિપેડ પરથી ઉડાન અને હડસન નદી ઉપર ઉત્તર તરફ જઈ રહ્યું હતું. જ્યોર્જ વોશિંગ્ટન બ્રિજ પાસે પહોંચતાં જ તે દક્ષિણ તરફ વળ્યું અને થોડીવાર પછી, લગભગ 3:15 વાગ્યે, તે પલટી ગયું અને પાણીમાં પડી ગયું.
