હરિયાણા અને જમ્મુ-કાશ્મીરમાં વિધાનસભા ચૂંટણીના પરિણામો સામે આવ્યા છે. આ ટ્રેન્ડમાં ભાજપ પાછળ રહી જાય તેવું લાગી રહ્યું છે. આ ટ્રેન્ડના કારણે શેરબજારમાં ભારે વધ-ઘટ જોવા મળી રહી છે.
હરિયાણા અને જમ્મુ-કાશ્મીરમાં વિધાનસભાની ચૂંટણીના પરિણામો દરમિયાન આવી રહેલા પ્રારંભિક વલણોમાં ભાજપની હાર અને કોંગ્રેસ અને તેના ગઠબંધનને સ્પષ્ટ બહુમતી મળતી દેખાઈ રહી છે. જેના કારણે શેરબજારમાં ભારે વધ-ઘટ જોવા મળી રહી છે. સેન્સેક્સમાં 81 હજાર અંકનું સ્તર જોવા મળી રહ્યું છે. નિફ્ટીમાં પણ થોડો વધારો જોવા મળી રહ્યો છે. ટાટા મોટર્સ, ટાટા સ્ટીલ, ટીસીએસ, રિલાયન્સ ઇન્ડસ્ટ્રીઝના શેરમાં ઘટાડાનો માહોલ જોવા મળી રહ્યો છે. તો બીજી બાજુ મહિન્દ્રા એન્ડ મહિન્દ્રા, અદાણી પોર્ટ એન્ડ સેઝ, એસબીઆઇ, એલએન્ડટીના શેરમાં તેજી જોવા મળી રહી છે.
શેરબજારમાં તેજી
હરિયાણા અને જમ્મુ-કાશ્મીરમાં વિધાનસભા ચૂંટણી દરમિયાન શરૂઆતી વલણોમાં કોંગ્રેસ અને તેના ગઠબંધનને સ્પષ્ટ જનાદેશ મળતો દેખાઈ રહ્યો છે. જેના કારણે શેરબજારમાં પણ તેજી જોવા મળી રહી છે. બૉમ્બે સ્ટૉક એક્સચેન્જના પ્રમુખ ઈન્ડેક્સ સેન્સેક્સ 119.97 અંકોના વધારાની સાથે 81,174.02 અંક પર કારોબાર કરી રહ્યા છે. તો બીજી બાજુ નેશનલ સ્ટોક એક્સચેંજના પ્રમુખ ઈન્ડેક્સ નિફ્ટી 36.20 અંકોના વધારાની સાથે 24,831.95 અંક પર કારોબાર કરી રહ્યા છે. એક દિવસ પહેલા નિફ્ટીમાં 200 અંકોથી વધુનો ઘટાડો જોવાને મળી રહ્યો છે.
