આજની સ્ટોરીમાં અમે તમને એક એવા સ્ટોક વિશે જણાવવા જઈ રહ્યા છીએ જેણે છેલ્લા 10 વર્ષમાં 90 ટકા ચોકસાઈ સાથે રિટર્ન આપ્યું છે. તેમાં પણ ખાસ કરીને તે સ્ટોક ઓક્ટોબર મહિનામાં જોરદાર રિટર્ન આપે છે. કેટલાક રોકાણકારોનું માનવું છે કે બેન્કિંગ સ્ટોકને ઓક્ટોબર મહિનો વધુ પસંદ છે, તેથી તે સારું વળતર આપે છે.
શેર બજારની દુનિયામાં વેપાર કરનાર દરેક રોકાણકાર એવી ઇચ્છા સાથે ટ્રેડિંગ એપ ખોલે છે કે તેને એવો સ્ટોક મળે જેમાં તે પૈસા રોક્યા બાદ રોકેટગતિ કરે છે. ક્યારેક ક્યારેક આ સ્વપ્ન વાસ્તવિકતામાં ફેરવાઈ જાય છે. આજની સ્ટોરીમાં અમે તમને એક એવા સ્ટોક વિશે જણાવવા જઈ રહ્યા છીએ જેણે છેલ્લા 10 વર્ષમાં 90 ટકા ચોકસાઈ સાથે રિટર્ન આપ્યું છે. તેમાં પણ ખાસ કરીને તે સ્ટોક ઓક્ટોબર મહિનામાં જોરદાર રિટર્ન આપે છે. કેટલાક રોકાણકારોનું માનવું છે કે બેન્કિંગ સ્ટોકને ઓક્ટોબર મહિનો વધુ પસંદ છે, તેથી તે સારું વળતર આપે છે.
Read: ઈઝરાયેલે 12 દિવસ પછી પણ ઈરાન પર હુમલો કેમ નથી કર્યો?
આ બેંકિંગ સ્ટોકમાં આ છે જાદુ
ICICI બેંક ઓક્ટોબર મહિનામાં શાનદાર પ્રદર્શન માટે જાણીતી છે, અને આ વર્ષે પણ કંઈક આવું જ થવાની આશા છે. છેલ્લા 10 વર્ષમાં ઓક્ટોબર દરમિયાન આ બેંકના શેરમાં 9 ગણો વધારો થયો છે, જે સરેરાશ 8 ટકા વળતર આપે છે. આ ટ્રેન્ડને જોતાં ICICI બેન્કના શૅર્સની આ સફર શૅરબજારમાં રસ ધરાવતા લોકો માટે ખૂબ જ આકર્ષક સાબિત થઈ શકે છે.
શું કહે છે નિષ્ણાતો?
જેએમ ફાઇનાન્શિયલના ટેક્નિકલ એક્સપર્ટ નીરજ અગ્રવાલનું માનવું છે કે આવનારા દિવસોમાં આ સ્ટોક 1380 રૂપિયા સુધી પહોંચી શકે છે. જોકે ઓક્ટોબરમાં અત્યાર સુધીમાં આઈસીઆઈસીઆઈ બેન્કના શેરમાં 3 ટકાનો ઘટાડો થયો છે, પરંતુ 26 ઓક્ટોબરના રોજ યોજાનારા સપ્ટેમ્બર ક્વાર્ટરના પરિણામોથી તેમાં વધારો થવાની ધારણા છે. શુક્રવારે બેંકનો શેર 0.66% ના ઘટાડા સાથે 1235 રૂપિયા પર બંધ થયો હતો. ટેક્નિકલ એનાલિસિસ મુજબ છેલ્લા એક વર્ષમાં બેન્કના શેર તેમની 100 દિવસની એક્સપોન્શિયલ મૂવિંગ એવરેજ (ઈએમએ)થી નીચે નથી આવ્યા, જે હાલ 1205 રૂપિયાના સ્તર પર છે.
આ સ્ટોક શેરબજારના ચાર્ટ્સ પર હાયર ટોપ હાયર બોટમ પેટર્ન બનાવી રહ્યો છે. જો સ્ટોક રૂ.1,153ની નીચે બંધ આવે તો આ પેટર્ન નેગેટિવ થઈ શકે છે. છેલ્લા 13 સેશનમાં આ શેર 1362 રૂપિયાની ઓલટાઈમ હાઈથી ઘટીને 1225 રૂપિયા પર આવી ગયો છે. આને કારણે શોર્ટ કવરિંગની શક્યતા ઊભી થઈ છે અને સ્ટોક હવે તેના 50 દિવસના ઈએમએની નજીક કોન્સોલિડેટ થઈ રહ્યો છે.
આગામી ક્વાર્ટરના રિપોર્ટ પર નજર કરીએ તો એક્સિસ સિક્યોરિટીઝના અનુમાન મુજબ આઈસીઆઈસીઆઈ બેન્કની ચોખ્ખી આવક વાર્ષિક 6.7 ટકા વધી શકે છે, સપ્ટેમ્બર ક્વાર્ટરમાં તે 10,945 કરોડ રૂપિયા સુધી પહોંચવાની સંભાવના છે. વળી, નેટ ઈન્ટરેસ્ટ માર્જિન (એનઆઈએમ)માં 9.6 ટકાનો વધારો જોવા મળવાની આશા છે, જેનાથી તે વધીને 20,060 કરોડ રૂપિયા થઈ જશે. જો કે આ જોગવાઈ વધીને રૂ.1,410 કરોડ થઈ શકે છે, જે ગયા વર્ષે રૂ.583 કરોડ હતી.
