રતન ટાટાનું થોડા દિવસ પહેલા જ અવસાન થયું છે અને ટાટા ગ્રુપના ચેરમેન એન.ચંદ્રશેખરને મંગળવારે એક મોટી જાહેરાત કરી છે. રતન ટાટાની વિદાય બાદ આ ગ્રુપ તરફથી મોટી જાહેરાત કરવામાં આવી હોવાનું માનવામાં આવી રહ્યું છે. તમને એ પણ જણાવીએ કે ગ્રુપ દ્વારા શું જાહેરાત કરવામાં આવી છે.
રતન ટાટાના નિધનને હજુ લાંબો સમય નથી થયો, અને ટાટા ગ્રુપ દ્વારા એક મોટી જાહેરાત કરવામાં આવી છે. ટાટા ગ્રુપના ચેરમેન એન ચંદ્રશેખરને મંગળવારે જણાવ્યું હતું કે, ટાટા ગ્રુપ આગામી પાંચ વર્ષમાં સેમીકન્ડક્ટર, ઇલેક્ટ્રિક વાહનો, બેટરી અને સંબંધિત ઉદ્યોગોમાં 5 લાખ નોકરીઓ પેદા કરશે. રતન ટાટાનું થોડા દિવસ પહેલા જ અવસાન થયું હતું. તે પછી નોએલ ટાટાને ટાટા ટ્રસ્ટના વડા બનાવવામાં આવ્યા હતા. નોએલ તાતા રતન તાતાના સાવકા ભાઈ છે. તેમની માતાનું નામ સિમોન ટાટા છે. જે ટ્રેન્ટ લિમિટેડના ચેરમેન છે. તમને એ પણ જણાવી દઈએ કે ટાટા ગ્રુપના ચેરમેને પોતાની જાહેરાતમાં બીજું શું કહ્યું છે.
ટાટા ગ્રુપ 5 લાખ નોકરીઓનું સર્જન કરશે
ઇન્ડિયન ક્વોલિટી મેનેજમેન્ટ ફાઉન્ડેશન (IFQM) દ્વારા આયોજિત સેમિનારમાં ટાટા સન્સના ચેરમેને કહ્યું કે, ભારત વિકાસ નીતિ વિના વિકસિત રાષ્ટ્ર બનવાનું લક્ષ્ય હાંસલ કરી શકે નહીં. તેમણે જણાવ્યું હતું કે, “સેમીકન્ડક્ટર્સ, પ્રિસિઝન મેન્યુફેક્ચરિંગ, એસેમ્બલી, ઇલેક્ટ્રિક વાહનો, બેટરી અને સંબંધિત ઉદ્યોગોમાં અમારા (ટાટા જૂથના) રોકાણો વચ્ચે, મને લાગે છે કે અમે આગામી પાંચ વર્ષમાં પાંચ મિલિયન મેન્યુફેક્ચરિંગ નોકરીઓનું સર્જન કરીશું.” આસામમાં જૂથના આગામી સેમીકન્ડક્ટર પ્લાન્ટ અને ઇલેક્ટ્રિક વાહનો અને બેટરી માટેના અન્ય નવા ઉત્પાદન એકમોનો ઉલ્લેખ કરતાં તેમણે કહ્યું હતું કે, “અમે ઘણા પ્લાન્ટ સ્થાપી રહ્યા છીએ.
વિકસિત ભારત માટે ઉત્પાદન જરૂરી
તેમણે આ પહેલોમાં સરકારનાં સાથસહકારની પ્રશંસા કરી હતી અને ઉત્પાદન ક્ષેત્રમાં રોજગારીનું સર્જન કરવાની જરૂરિયાત પર ભાર મૂક્યો હતો. “જો આપણે ઉત્પાદન ક્ષેત્રમાં રોજગારીનું સર્જન ન કરી શકીએ, તો આપણે આપણા ભારતના વિકાસ લક્ષ્યોને હાંસલ કરી શકીએ તેમ નથી, કારણ કે આપણે સૌ જાણીએ છીએ કે દર મહિને દસ લાખ લોકો કાર્યબળમાં આવે છે. આપણે 10 લાખ નોકરીઓનું સર્જન કરવાની જરૂર છે. તેમણે સેમીકન્ડક્ટર્સની જેમ નવા યુગના ઉત્પાદનના મહત્વ પર ભાર મૂક્યો હતો, જે દરેક નોકરી માટે આઠથી દસ પરોક્ષ રોજગારીનું સર્જન કરે છે.
