મહારાષ્ટ્રમાં વિધાનસભા ચૂંટણી માટે કોંગ્રેસે હજુ સુધી સત્તાવાર રીતે કોઈ ઉમેદવારોની યાદી જાહેર કરી નથી, પરંતુ સોશિયલ મીડિયા પર એક યાદી વાયરલ થઈ છે.
હારાષ્ટ્રમાં વિધાનસભા ચૂંટણીની તારીખોની જાહેરાત બાદ રાજકીય હલચલ તેજ થઈ ગઈ છે. આ દરમિયાન સોશિયલ મીડિયા પર કોંગ્રેસ વિધાનસભાના ઉમેદવારોની યાદી સામે આવી છે. મહારાષ્ટ્ર કોંગ્રેસે દાવો કર્યો છે કે આ યાદી નકલી છે. મહારાષ્ટ્ર વિધાનસભા ચૂંટણી 2024 માટે મહારાષ્ટ્ર કોંગ્રેસે હજુ સુધી સત્તાવાર રીતે ઉમેદવારોની કોઈ યાદી જાહેર કરી નથી. તેથી, કોઈ પણ અફવાઓ પર વિશ્વાસ ન કરો. અમે ટૂંક સમયમાં જ યોગ્ય ચેનલો દ્વારા આ સૂચિ બહાર પાડીશું.
કોંગ્રેસના વરિષ્ઠ નેતા પવન ખેરાએ એક્સ પર લખ્યું છે કે, આગામી મહારાષ્ટ્ર વિધાનસભાની ચૂંટણી માટે સોશિયલ મીડિયા પર જે ઉમેદવારોની યાદી ફેલાવવામાં આવી રહી છે તે નકલી છે. કોંગ્રેસ પાર્ટી તરફથી આવી કોઈ યાદી જાહેર કરવામાં આવી નથી.
ચૂંટણી પંચે જાહેરાત કરી છે કે, મહારાષ્ટ્રમાં 20 નવેમ્બરે મતદાન થશે અને 23 નવેમ્બરે મતગણતરી કરવામાં આવશે. હાલની મહારાષ્ટ્ર સરકારનો કાર્યકાળ ૨૬ નવેમ્બરના રોજ સમાપ્ત થાય છે. આ વર્ષે યોજાયેલી લોકસભાની ચૂંટણીમાં કોંગ્રેસે સારું પ્રદર્શન કર્યું હતું. મહા વિકાસ આઘાડી ગઠબંધને ૩૦ બેઠકો જીતી હતી. કોંગ્રેસ ૧૩ બેઠકો જીતવામાં સફળ રહી હતી.
મહારાષ્ટ્ર કોંગ્રેસના વડા નાના પટોલેએ બુધવારે દાવો કર્યો હતો કે પાર્ટીએ મહારાષ્ટ્ર વિધાનસભાની ચૂંટણી માટે ૮૪ માંથી ૬૨ ઉમેદવારોના નામને મંજૂરી આપી દીધી છે. સીઈસીની બેઠક 20 ઓક્ટોબરે થશે. આ બેઠક બાદ ઉમેદવારોના નામની જાહેરાત થઈ શકે છે. આ ઉપરાંત નાંદેડ લોકસભા બેઠકની પેટા ચૂંટણી માટે વસંતરાવ ચવ્હાણના પુત્રનું નામ સૂચવવામાં આવ્યું છે.
