બાબા સિદ્દીકી હત્યા કેસમાં પોલીસને ઘણી નવી અને ચોંકાવનારી વાતો જાણવા મળી છે. આરોપી હરીશે પોલીસને જણાવ્યું કે, ત્રણ મહિના પહેલા બાબા સિદ્દીકીની હત્યાનું ષડયંત્ર રચવામાં આવ્યું હતું. શૂટરોએ યુટ્યુબ પર ક્રાઇમ સિરિયલો જોઇને શૂટિંગ કરવાનું શીખ્યા હતા. ચારેય શૂટરોને હત્યા માટે ૨ લાખ રૂપિયા મળ્યા હતા. એટલે કે દરેક શૂટરને 50 હજાર રૂપિયા.
મહારાષ્ટ્રના મુંબઈમાં બાબા સિદ્દીકી હત્યા કેસને લઈને મોટો ખુલાસો થયો છે. તપાસમાં બહાર આવ્યું છે કે ત્રણ મહિના પહેલા પુણેમાં બાબા સિદ્દીકીની હત્યાનું કાવતરું ઘડવામાં આવ્યું હતું. પરંતુ કઈ જેલમાંથી હત્યાનો કોન્ટ્રાક્ટ અપાયો, સાબરમતી કે હરિયાણા જેલ, તેની તપાસ કરવામાં આવી રહી છે. પોલીસના જણાવ્યા અનુસાર, શૂટરોએ શૂટઆઉટની પદ્ધતિ યુટ્યુબથી શીખી હતી. આ પછી હત્યાકાંડને અંજામ આપવામાં આવ્યો હતો. બાબા સિદ્દીકી શૂટઆઉટ કેસમાં ધરપકડ કરાયેલા ચોથા આરોપી હરીશે આ તમામ ખુલાસા કર્યા છે.
Read: ડિજિટલ ઇન્ડિયા ભારતને બદલી નાંખશે, ટૂંક સમયમાં 6G સેવા પર કામ કરશે: પીએમ મોદી
પોલીસ તપાસમાં બહાર આવ્યું છે કે શૂટરો ૨ લાખ રૂપિયા ખાતર આ ભયાનક ઘટનાને અંજામ આપવા સંમત થયા હતા. આ હત્યા માટે ચારેય શૂટરોને 50-50 હજાર રૂપિયા મળ્યા હતા. શૂટર્સ સોશિયલ મીડિયા મેસેજિંગ એપ્લિકેશન્સ દ્વારા એકબીજા સાથે વાત કરતા હતા.
આરોપી હરીશે જણાવ્યું હતું કે બાબા સિદ્દીકીએ તેમના ઘરની બહાર શૂટિંગ કરવાનું હતું, તેથી ઘણી વખત તેમના ઘરની રેકી કરવામાં આવી હતી પરંતુ તે શક્ય બન્યું ન હતું. છેલ્લા 28 દિવસમાં આ લોકોએ 5 વખત રેકી કરી હતી. ત્રણ મહિના સુધી બાબા સિદ્દીકી પર બધાની નજર હતી. આરોપીએ જણાવ્યું – ઘણી વખત શૂટરો હથિયાર વગર બાબાના ઘરે ગયા હતા, જેથી કોઈને શંકા ન જાય.
15 લોકોના નિવેદન નોંધવામાં આવ્યા
અત્યાર સુધીમાં ક્રાઇમ બ્રાન્ચે આ કેસમાં 15 લોકોના નિવેદન નોંધ્યા છે. ક્રાઇમ બ્રાન્ચના સૂત્રોના જણાવ્યા અનુસાર ઝડપાયેલા ચોથા આરોપી હરીશે પૈસાથી લઇને બાઇક સુધીની તમામ વ્યવસ્થા કરી હતી. તે શૂટરો માટે વચેટિયા તરીકે કામ કરતો હતો. શૂટર શિવ કુમાર, ગુરનેલ, અને ધર્મરાજને કુલ 2 લાખ રૂપિયા આપવામાં આવ્યા હતા. આ પૈસા ધરપકડ કરાયેલા પ્રવિણ લોનકરના ભાઈ શુભમ લોનકરે તેમના રહેવા, જમવા અને ખર્ચ માટે આપ્યા હતા.
હરીશને આ ઘટનાની પૂરી જાણકારી હતી. તેમણે જ પુણેમાં બાબા સિદ્દીકીનો ફોટો આપ્યો હતો. શૂટરોને ત્યાં સુધી ખબર નહોતી કે બાબા સિદ્દીકી કોણ છે અને તેમની પ્રોફાઇલ શું છે. હરીશ 9 વર્ષથી પુણેમાં રહેતો હતો. તે મુંબઈ, પુણે, મહારાષ્ટ્રમાં બધું જ જાણે છે, છતાં તે આ યોજનાનો હિસ્સો બની ગયો. શૂટરોને રોકડ તેમજ મોબાઇલ ફોન આપવામાં આવ્યા હતા
યુ-ટ્યુબ પરથી શીખ્યા શૂટિંગના પાઠ
શૂટરોએ ક્રાઇમ બ્રાંચને જણાવ્યું હતું કે તેઓ યુટ્યુબ પર ગુનાહિત ઘટનાઓ અને સિરિયલો જોઈને શૂટિંગ કરવાનું શીખ્યા છે. 4 આરોપીઓની ધરપકડ બાદ 3 આરોપીઓ હજુ ફરાર છે. જો શુભમ લોનકરની ધરપકડ કરવામાં આવશે તો હજુ ઘણા નામો જાહેર થશે અને આરોપીઓની યાદી લાંબી થશે.
