ક્રાઇમ બ્રાંચ પીઆઇ ગોંડલીયા અને ડામોરની ટીમે દારૂ અને કાર મળી 3 લાખની મત્તા કબજે કરી
(આઝાદ સંદેશ),રાજકોટ: રાજકોટ શહેર પોલીસ કમિશ્નર બ્રજેશ ઝાએ દારૂ અને જુગારની બદીઓને ડામી દેવા સુચના આપી હોય જેને ઘ્યાને લઇ ક્રાઇમ બ્રાંચની ટીમે ઓમનગર નજીકથી અંગ્રેજી દારૂ ભરેલ કારને ઝડપી પાડી ચાલકની શોધખોળ હાથ ધરી છે. મળતી માહિતી મુજબ રાજકોટ શહેર પોલીસ કમિશ્ર્નરની સુચનાને ઘ્યાને લઇ ક્રાઇમ બ્રાંચ પીઆઇ એમ.આર.ગોંડલીયા તથા એમ.એલ.ડામોરની જુદી જુદી ટીમો કાર્યરત હોય ત્યારે ટીમના પીએસઆઇ એમ.કે.મોવલીયાનો સ્ટાફ પેટ્રોલીંગમાં હોય ત્યારે ટીમના કૌશીક ગઢવી અને તુલસી ચુડાસમાને મળેલ બાતમીના આધારે 150 ફુટ રીંગ રોડ પર આવેલ ઓમનગર સર્કલ નજીક રહેલા ધરમનગર શેરી નં.2માં રેઢી પડેલી કારમાં તલાશી લેતા તેમાંથી અંગ્રેજી દારૂની જુદી જુદી બ્રાંડના રૂા.200240/-ની 241 બોટલો તેમજ બીયરના ટીન મળી આવતા દારૂ અને કાર મળી કુલ રૂા.3 લાખની મતા કબજે કરી કારના ચાલકની શોધખોળ હાથ ધરી છે. બીજા દરોડામાં પ્ર.નગર પોલીસ મથકના પીઆઇ બી.એમ.ઝણકાત અને પી. આર. ડોબરીયાના માર્ગદર્શન હેઠળ સર્વેલન્સ સ્ક્વોડના પીએસઆઇ આઇ.એ.બેલીમ અને સ્ટાફ પેટ્રોલીંગમાં હોય ત્યારે મળેલ બાતમીના આધારે પોપટપરાના નાલા પાસે આવેલ સેન્ટ્રલ જેલ નજીક દરોડો પાડી અંગ્રેજી દારૂ રૂા.4500/-ની 9 બોટલ અને બીયરના 6 ટીન મળી અને કાર મળી કુલ રૂા.2,05,100/-ની મતા સાથે દિવ્યરાજસિંહ જાડેજા (ઉ.26)ની અટકાયત કરી જરૂરી કાર્યવાહી હાથ ધરી હતી.
