ભારતનો ન્યૂઝીલેન્ડ પ્રવાસ 2026: ન્યૂઝીલેન્ડે ભારત સામે ત્રણ ફોર્મેટની શ્રેણીનો કાર્યક્રમ જાહેર કર્યો છે. 40 દિવસના પ્રવાસ દરમિયાન ભારત 12 મેચ રમશે. ન્યૂઝીલેન્ડે અગાઉ 12 મેચની સંપૂર્ણ શ્રેણીનું આયોજન કર્યું નથી.
૨૨ ઓક્ટોબરથી ૧ નવેમ્બર સુધી ટી-૨૦ શ્રેણી
ટીમ ઇન્ડિયાનો ન્યુઝીલેન્ડ પ્રવાસ T20I શ્રેણીથી શરૂ થશે. પહેલી બે મેચ 22 અને 24 ઓક્ટોબરે ક્રાઇસ્ટચર્ચમાં રમાશે. ત્રીજી T20I 27 ઓક્ટોબરે વેલિંગ્ટનમાં રમાશે. ચોથી T20I 30 ઓક્ટોબરે ઓકલેન્ડમાં રમાશે. પાંચમી અને છેલ્લી T20I 1 નવેમ્બરે હેમિલ્ટનમાં રમાશે.
૪ નવેમ્બરથી ૧૫ નવેમ્બર સુધી વન-ડે શ્રેણી
શ્રેણીની પહેલી વનડે 4 નવેમ્બરે ઓકલેન્ડમાં રમાશે. બીજી વનડે 7 નવેમ્બરે વેલિંગ્ટનમાં અને ત્રીજી વનડે 10 નવેમ્બરે હેમિલ્ટનમાં રમાશે. છેલ્લી બે વનડે 13 અને 15 નવેમ્બરે માઉન્ટ મૌંગાનુઈમાં રમાશે.
૧૯ નવેમ્બરથી ટેસ્ટ શ્રેણી
વનડે શ્રેણી પૂર્ણ થયાના ત્રણ દિવસ પછી જ ટેસ્ટ શ્રેણી શરૂ થશે. પહેલી ટેસ્ટ મેચ વેલિંગ્ટનમાં ૧૯ નવેમ્બરથી ૨૩ નવેમ્બર સુધી રમાશે. છેલ્લી ટેસ્ટ મેચ ૨૭ નવેમ્બરથી ૧ ડિસેમ્બર સુધી ક્રાઇસ્ટચર્ચમાં રમાશે.
ભારતનો ન્યુઝીલેન્ડ પ્રવાસ 40 દિવસનો રહેશે, જેમાં 12 મેચ રમાશે. ચાહકો ચાર વર્ષના અંતરાલ પછી થઈ રહેલા આ પ્રવાસમાં ભારતીય ટીમ પાસેથી વધુ સારા પ્રદર્શનની આશા રાખશે.
