દિલ્હીથી સાન ફ્રાન્સિસ્કો 40 મિનિટમાં: એલન મસ્કનું સ્પેસએક્સ ઘણા મોટા પ્રોજેક્ટ્સ પર કામ કરી રહ્યું છે. પરંતુ હવે ટેસ્લાના સીઈઓએ કંઈક એવું કહ્યું છે જેણે આખી દુનિયાનું ધ્યાન ખેંચ્યું છે.
40 મિનિટમાં દિલ્હીથી US સુધી: દિલ્હી એરપોર્ટથી સીધા અમેરિકામાં લેન્ડિંગ, તે પણ માત્ર 40 મિનિટમાં, શું શક્ય છે? આજના સમયમાં આ વાતની કલ્પના જ કરી શકાય છે. પરંતુ દુનિયાના સૌથી અમીર વ્યક્તિ અને સ્પેસએક્સના સીઈઓ એલન મસ્કે તેને શક્ય ગણાવ્યું છે. એલોન મસ્કે પોતાના સોશિયલ મીડિયા એકાઉન્ટ એક્સ પર એક યૂઝરને જવાબ આપતા કહ્યું હતું કે ‘તે કરી શકાય છે’.
એલન મસ્કનો જવાબ વાયરલ
એલન મસ્કની એરોસ્પેસ કંપની પોઇન્ટ-ટુ-પોઇન્ટ સ્પેસ ટ્રાવેલ માટે જાણીતી છે. સ્પેસએક્સ ઘણા એવા પ્રોજેક્ટ્સ પર કામ કરી રહ્યું છે, જે કલ્પનામાં પણ કરવું મુશ્કેલ છે. એલન મસ્કની કંપની એક એવા મિશન પર પણ કામ કરી રહી છે જેમાં રોકેટને અંતરિક્ષમાં લોન્ચ કર્યા બાદ સુરક્ષિત રીતે પૃથ્વી પર લાવી શકાય છે.
એલોન મસ્કને એલેક્સ ઓન એક્સ નામના યુઝરે પૂછ્યું હતું કે શું સ્પેસએક્સ આગામી કેટલાક વર્ષોમાં એક સ્ટારશિપ લાવી શકે છે જે પૃથ્વીથી પૃથ્વી તરફ જઇ શકે છે અને એક કલાકથી પણ ઓછા સમયમાં એક શહેરથી બીજા શહેરમાં જઇ શકે છે. આ સવાલ પર એલન મસ્કનો જવાબ સોશિયલ મીડિયા પર ઘણો વાયરલ થયો હતો. એલોન મસ્કે કહ્યું હતું કે ‘આજના સમયમાં તે શક્ય છે’.
દિલ્હીથી અમેરિકા, થોડી જ મિનિટોમાં
સ્પેસએક્સે સ્ટારશીપની શરૂઆત લગભગ એક દાયકા પહેલા કરી હતી. આ કંપનીનો હેતુ શહેરો વચ્ચે ફ્લાઇટ શરૂ કરવાનો હતો. એલોન મસ્કે લોકોની મુસાફરીનો સમય ઘટાડવાનો લક્ષ્યાંક નક્કી કર્યો હતો. ડેઈલી મેલના રિપોર્ટ અનુસાર સ્ટારશિપ અમેરિકાના લોસ એન્જલસથી કેનેડાના ટોરેન્ટો સુધી માત્ર 24 મિનિટમાં, બ્રિટનની રાજધાની લંડનથી અમેરિકાના ન્યૂયોર્ક સિટી સુધી 29 મિનિટમાં, ન્યૂયોર્કથી ચીનના શાંઘાઈ સુધી 39 મિનિટમાં અને દિલ્હીથી સાન ફ્રાન્સિસ્કો માત્ર 30 મિનિટમાં કવર કરશે.
એલોન મસ્ક ડોનાલ્ડ ટ્રમ્પના મંત્રીમંડળમાં જોડાયા
એલન મસ્કને તાજેતરમાં જ અમેરિકાના ચૂંટાયેલા રાષ્ટ્રપતિ ડોનાલ્ડ ટ્રમ્પે પોતાના મંત્રીમંડળમાં મોટી જવાબદારી સોંપી છે. ટેસ્લાના સીઈઓને સરકારી કાર્યક્ષમતા વિભાગના વડા બનાવવામાં આવ્યા છે. આ કામમાં ભારતીય મૂળના અમેરિકન ઉદ્યોગપતિ વિવેક રામાસ્વામી એલોન મસ્કની સાથે જવાના છે.
