Gold Rate Today: અમેરિકી મુદ્રા ડૉલરમાં મજબૂતી આવી છે, જેના કારણે એમસીએક્સ પર સોના અને ચાંદી બંને નીચે કારોબાર કરી રહ્યા છે.
ટ્રમ્પના નિવેદનના કારણે સોના-ચાંદીના ભાવમાં ઘટાડો
અમેરિકાના રાષ્ટ્રપતિ ડોનાલ્ડ ટ્રમ્પે બ્રિક્સ દેશો સામે મોરચો ખોલ્યો છે. તેમણે કહ્યું છે કે તેઓ બ્રિક્સ દેશો પર 100 ટકા ટેરિફ લગાવશે. ટ્રમ્પે ચેતવણી આપી હતી કે, જો બ્રિક્સ દેશો અમેરિકન ડોલર સિવાય અન્ય કોઇ કરન્સી અપનાવવાનો પ્રયાસ કરશે તો તેઓ આ દેશોમાંથી આવતી આયાત પર ભારે ટેરિફ લગાવશે. ટ્રમ્પે પોતાના નિવેદનથી ભારત, રશિયા, બ્રાઝીલ અને ચીનને સીધો સંદેશ આપવાનો પ્રયાસ કર્યો છે. ડોલરને બાદ કરતાં બ્રિક્સ દેશોમાં પોતાની કરન્સી લાવવા અંગે ચર્ચા ચાલી રહી છે.
સોના-ચાંદીમાં ઘટાડો
ડોનાલ્ડ ટ્રમ્પના આ નિવેદન બાદ અમેરિકી ડોલરમાં મજબૂતી આવી છે, જેના કારણે આજના કારોબારમાં સોના-ચાંદીના ભાવ ઘટતા જોવા મળી રહ્યા છે. હાલ સોનું 673 રૂપિયા એટલે કે 0.88 ટકાના ઘટાડા સાથે 75,701 રૂપિયા પ્રતિ 10 ગ્રામ અને ચાંદી 0.92 ટકા ઘટીને 88,062 રૂપિયા પ્રતિ કિલો પર ટ્રેડ કરી રહ્યું છે.
સોનું ખરીદીની તક આપી રહ્યું છે પતનની!
કામા જ્વેલરીના એમડી કોલિન શાહના જણાવ્યા પ્રમાણે, સોનાના ભાવમાં યોગ્ય સમયે ઘટાડો જોવા મળી રહ્યો છે. વૈશ્વિક બજારોમાં સોનાના ભાવમાં ઘટાડો થયો છે. આંતરરાષ્ટ્રીય બજાર તેની ટોચથી 6 ટકા ઘટ્યું છે અને સ્થાનિક બજારમાં 3.7 ટકાનો ઘટાડો થયો છે, જેણે ખાસ કરીને ઝવેરાત ખરીદવા માંગતા લોકો માટે ખરીદીની તક પૂરી પાડી છે. “અમે લગ્નની મોસમની મધ્યમાં છીએ અને સોનાની ખરીદી એ લગ્નની સૌથી અગ્રણી મોસમ છે. તેમણે કહ્યું, “અમેરિકામાં વધી રહેલા ફુગાવાને કારણે સોનાના ભાવમાં ઘટાડો જોવા મળી રહ્યો છે કારણ કે તેનાથી યુએસ ફેડ દ્વારા વ્યાજદરમાં ઘટાડો થવાની શક્યતા ઘટી રહી છે.”
કોલિન શાહના જણાવ્યા પ્રમાણે નીચા વ્યાજદરના સમયમાં સોનાના ભાવમાં વધારો થાય છે, પરંતુ વ્યાજદરમાં ઘટાડાની અપેક્ષા ઘટી રહી છે અને અમેરિકન ડોલરમાં ઉછાળાને કારણે સોનાના ભાવમાં ઘટાડો થયો છે. તેમણે કહ્યું કે, વધતા અમેરિકી ડોલરને કારણે સોનાની ખરીદી મોંઘી થઇ ગઇ છે, જેના કારણે માંગ પર અસર પડી રહી છે. તેમણે કહ્યું કે, ટૂંકા ગાળામાં સોનાના ભાવ વર્તમાન સ્તરે રહેશે. ભૌગોલિક રાજકીય પરિસ્થિતિ કેન્દ્ર સ્થાને આવ્યા બાદ અને યુએસ ફેડ અને આરબીઆઈ દ્વારા ૨૦૨૫ ના પ્રથમ છમાસિક ગાળામાં વ્યાજ દરમાં ઘટાડો કરવામાં આવ્યા બાદ સોનાના ભાવમાં વધારો થશે.
આ પણ વાંચો: ટ્રમ્પ આવી રહ્યા છે…’ બાંગ્લાદેશમાં હિંદુઓ પર અત્યાચાર સામે અમેરિકાનું નિવેદન
