વડોદરાના વડસર વિસ્તારમાં સ્ટેટ મોનિટરિંગ સેલ (SMC) દ્વારા દારૂના ગોડાઉન પર દરોડા પાડવામાં આવતા મોટો જથ્થો ઝડપાયો છે. દરોડા દરમિયાન વિદેશી દારૂની આશરે 35થી 40 પેટી જપ્ત કરવામાં આવી હતી. SMCએ સ્થળ પરથી લાખો રૂપિયાનો મુદ્દામાલ કબજે કર્યો છે. જોકે દરોડાની જાણ થતાં જ મુખ્ય આરોપીઓ સ્થળ પરથી ફરાર થઈ ગયા હતા. ફરાર આરોપીઓને ઝડપી પાડવા માટે પોલીસે ચક્રો ગતિમાન કર્યા છે. સમગ્ર ઘટનામાં સ્થાનિક પોલીસની કામગીરી સામે પણ સવાલો ઊભા થયા છે, કારણ કે સ્થાનિક પોલીસ ઊંઘતી રહી અને SMCએ સીધી કાર્યવાહી કરી હતી.
આજે આસામમાં નવી સરકારની શપથવિધિ, હિમંતા બિસ્વા શર્મા ફરી સંભાળશે CM પદ
આજે આસામમાં નવી સરકારની શપથવિધિ યોજાવાની છે, જેમાં હિમંતા બિસ્વા શર્મા બીજી વખત રાજ્યના મુખ્યમંત્રી તરીકે શપથ ગ્રહણ કરશે. ગુવાહાટીના વેટરનરી કોલેજ ગ્રાઉન્ડ ખાતે સવારે 11:40 કલાકે યોજાનારા આ ભવ્ય સમારોહમાં પ્રધાનમંત્રી નરેન્દ્ર મોદી સહિત અનેક રાજ્યોના મુખ્યમંત્રીઓ હાજરી આપશે. મુખ્યમંત્રી સાથે ચાર ધારાસભ્યો પણ મંત્રી તરીકે શપથ લેશે. જેમાં રામેશ્વર તેલી, અતુલ બોરા, ચરણ બોરો અને અજંતા નિઓગનો સમાવેશ થાય છે. સમગ્ર રાજ્યમાં શપથવિધિને લઈ ઉત્સાહનો માહોલ જોવા મળી રહ્યો છે.
જૂનાગઢઃ સ્પા સેન્ટરમાં કામ કરતી મહિલાનો આપઘાત
જૂનાગઢ શહેરમાં સ્પા સેન્ટરમાં કામ કરતી 36 વર્ષીય મહિલાએ ગળેફાંસો ખાઈ આત્મહત્યા કરતા ચકચાર મચી ગઈ છે. માહિતી મુજબ મહિલા ઝાંઝરડા રોડ પર આવેલ એક સ્પા સેન્ટરમાં નોકરી કરતી હતી. બનાવની જાણ થતા પોલીસ ઘટના સ્થળે પહોંચી હતી અને મૃતદેહને પોસ્ટમોર્ટમ માટે ખસેડી આગળની કાર્યવાહી હાથ ધરી છે. જોકે મહિલાએ કયા કારણોસર આ પગલું ભર્યું તે હજી અકબંધ છે, જેને લઈને પોલીસે તપાસ શરૂ કરી છે.
 દ્વારા દારૂના ગોડાઉન પર દરોડા પાડવામાં આવતા મોટો જથ્થો ઝડપાયો છે. દરોડા દરમિયાન વિદેશી દારૂની આશરે 35થી 40 પેટી){kind=link}