દેવભૂમિ દ્વારકા જિલ્લાના ભાણવડ પંથકમાં ભૂકંપના આંચકા અનુભવાયા

ભાણવડ તાલુકામાં ગઇકાલે સાંજે 7:32 કલાકે પ્રથમ અને 7:37 કલાકે બીજો આંચકો અનુભવાયો હતો. રિક્ટર સ્કેલ પર આ આંચકાઓની તીવ્રતા 2.3 નોંધાઈ છે. પ્રાથમિક માહિતી અનુસાર, ભૂકંપનું કેન્દ્ર પોરબંદરથી આશરે 37 કિમીની ત્રિજ્યા હેઠળ હોવાનું અનુમાન છે. છેલ્લા બે દિવસથી ભાણવડ શહેર અને આસપાસના ગામડાઓમાં ભૂકંપના સામાન્ય ધડાકાઓ અનુભવાઈ રહ્યા છે, જેના કારણે સ્થાનિકોમાં ભયનો માહોલ જોવા મળી રહ્યો છે. ડિઝાસ્ટર મેનેજમેન્ટ વિભાગે પણ આજે ભાણવડ અને આસપાસના વિસ્તારોમાં ભૂકંપના બે આંચકા નોંધાયાની પુષ્ટિ કરી છે.