શાહરૂખ ખાનનું નામ દુનિયાના સૌથી હેન્ડસમ એક્ટર્સની યાદીમાં સામેલ છે. આ લિસ્ટમાં બોલીવૂડમાંથી માત્ર શાહરુખ ખાનનું નામ છે. લંડન સ્થિત કોસ્મેટિક સર્જન દ્વારા બનાવવામાં આવેલી ફેશિયલ મેપિંગ ટેકનિકનો ઉપયોગ કર્યા બાદ અભિનેતાને આ યાદીમાં લાવવામાં આવ્યો છે.
તેના ચાહકોના મતે બોલીવૂડમાં શાહરૂખથી વધુ હેન્ડસમ કોઇ નહીં હોય, જોકે હવે આ વાત સાયન્સના પેરામીટર્સે સ્વીકારી લીધી છે. તાજેતરમાં જ ગોલ્ડન રેશિયો ઓફ બ્યૂટી ફાઇમાં દુનિયાના સૌથી હેન્ડસમ કલાકારોની યાદી રજૂ થઇ છે, જેમાં બોલીવૂડના એક માત્ર અભિનેતાનો સમાવેશ થાય છે, જે છે શાહરુખ ખાન.
હાર્લી સ્ટ્રીટના ફેશિયલ કોસ્મેટિક સર્જન ડો.જુલિયન ડિસિલ્વાના કોમ્પ્યુટરાઇઝ્ડ મેપિંગ અનુસાર, શાહરૂખ ખાન દુનિયાનો દસમો સૌથી હેન્ડસમ માણસ છે. આ મેપિંગમાં શાહરૂખ ખાન 86.76 ટકા પરફેક્ટ જોવા મળ્યા છે. 58 વર્ષના હોવા છતાં શાહરુખ ખાને આ જગ્યા બનાવી છે. પોતાની ઉંમરમાં શાહરૂખના મોટા થવા વિશે વાત કરતા ડિ’સિલ્વાએ કહ્યું કે, “બોલિવૂડનો બાદશાહ છેલ્લા ત્રણ દાયકાથી ભારતના સૌથી મોટા સ્ટાર્સમાંનો એક છે, તે આજે પણ 58 વર્ષની ઉંમરે પણ ખૂબ હેન્ડસમ લાગે છે, તેની ઉંમર આઘાતજનક રીતે વધી રહી છે, જે તેને વધુ સુંદર બનાવી રહી છે.”
ચહેરાને કેવી રીતે સ્કોર કરવામાં આવ્યો?
શાહરૂખ ખાનનો સૌથી ઓછો સ્કોર તેના નાકની ડિઝાઇનને કારણે છે, જે 78 ટકા છે. તેમણે પોતાના ચહેરાની લંબાઈ માટે 91.3 ટકા, 3 ભાગના ચહેરા માટે 88 ટકા, આંખની કીકી માટે 90 ટકા, જડબાની રેખા માટે 89 ટકા, નાકના પાયા માટે 72 ટકા, હોઠ માટે 91 ટકા અને હડપચી માટે 94.8 ટકા ગુણ મેળવ્યા હતા.
શું છે આ ફેશિયલ મેપિંગ ટેકનિક?
લંડન સ્થિત કોસ્મેટિક સર્જન ડો.જુલિયન ડી સિલ્વાએ આ વાતનો ખુલાસો કર્યો છે. તેણે ચહેરાના મેપિંગની તકનીક વિકસાવી છે જે મનુષ્યની સુંદરતા વિશે જણાવવા માટે સુવર્ણ ગુણોત્તરનો ઉપયોગ કરે છે. આ મેપિંગ ટેક્નિકમાં ચહેરાની દરેક ખાસિયતને મેપ કરવામાં આવે છે, જેમ કે આંખો, નાક, હોઠ, હડપચીનો સમાવેશ કરવામાં આવે છે. આ નકશા દ્વારા, તે જાણી શકાય છે કે કોનો ચહેરો બનાવેલ ગુણોત્તર માટે યોગ્ય છે.
