Date 19-11-2024: શેરબજારમાં લાંબા સમય બાદ સારી ગતિ જોવા મળી રહી છે. બોમ્બે સ્ટોક એક્સચેંજનો મુખ્ય સૂચકાંક લગભગ 1000 પોઇન્ટ વધીને 78,309.57 પોઇન્ટના દિવસના ઉચ્ચતમ સ્તર પર પહોંચી ગયો છે. સવારે 11.20 વાગ્યે સેન્સેક્સ 940.62 અંકના વધારા સાથે 78,279.63 અંક પર કારોબાર કરી રહ્યો છે.
7 દિવસમાં 4 ટકાથી વધુના ઘટાડા બાદ શેરબજારમાં રિકવરી જોવા મળી છે. જ્યારે શેર બજારના રોકાણકારોએ 7 ટ્રેડિંગ દિવસોમાં 23.50 લાખ કરોડ રૂપિયા ગુમાવ્યા હતા, જ્યારે રોકાણકારોએ થોડી જ મિનિટોમાં 6.50 લાખ કરોડ રૂપિયાથી વધુની રિકવરી કરી હતી. મંગળવારે સેન્સેક્સ અને નિફ્ટી બંનેમાં એક ટકાથી વધુનો વધારો જોવા મળી રહ્યો છે. સેન્સેક્સે ફરી એકવાર 78 હજાર પોઇન્ટની સપાટી ક્રોસ કરી હતી. તો બીજી તરફ નિફ્ટીમાં 300 પોઇન્ટથી વધુની તેજી જોવા મળી હતી.
શેરબજારમાં તેજીનું મુખ્ય કારણ આઈટી, ઓટો અને એનર્જી શેરોમાં ઉછાળો હોવાનું માનવામાં આવી રહ્યું છે. મહિન્દ્રા એન્ડ મહિન્દ્રા, ટાટા મોટર્સ જેવા ઑટો શેરોમાં વધારો જોવાને મળી રહ્યો છે. તો બીજી બાજુ ટેક મહિન્દ્રા, ટીસીએસ, ઇન્ફોસિસ જેવી મોટી આઇટી કંપનીઓના શેરમાં વધારો જોવા મળી રહ્યો છે. આવો તમને એ પણ જણાવીએ કે વર્તમાન સમયમાં શેરબજારમાં કેવા કેવા આંકડા જોવા મળી રહ્યા છે.
સેન્સેક્સમાં લગભગ 1000 પોઇન્ટનો ઉછાળો
શેરબજારમાં લાંબા સમય બાદ સારી ગતિ જોવા મળી રહી છે. બોમ્બે સ્ટોક એક્સચેંજનો મુખ્ય સૂચકાંક લગભગ 1000 પોઇન્ટ વધીને 78,309.57 પોઇન્ટના દિવસના ઉચ્ચતમ સ્તર પર પહોંચી ગયો છે. સવારે 11.20 વાગ્યે સેન્સેક્સ 940.62 અંકના વધારા સાથે 78,279.63 અંક પર કારોબાર કરી રહ્યો છે. આમ જોવા જઈએ તો સેન્સેક્સ 77,548 પોઈન્ટ પર ખુલ્યો હતો. આમ જોવા જઈએ તો 7 ટ્રેડિંગ સેશનમાં 3 હજારથી વધુ પોઈન્ટનો ઘટાડો નોંધાયો હતો.
Read: ભારતમાં Metaને મોટો ફટકો, 213 કરોડનો દંડ ફટકાર્યો અને 5 વર્ષ માટે પ્રતિબંધ લગાવ્યો!
આ સ્ટૉક્સમાં વધારો
નેશનલ સ્ટોક એક્સચેન્જ પર ટાટા ગ્રુપના ટ્રેન્ટ, ઓએનજીસી, મહિન્દ્રા એન્ડ મહિન્દ્રાના શેરમાં લગભગ 3 ટકાનો વધારો જોવાને મળી રહ્યો છે. તો બીજી બાજુ અદાણી પોર્ટ એન્ડ સેઝ અને ટાઇટનના શેરમાં 2.50 ટકાથી વધુનો વધારો જોવાને મળી રહ્યો છે. તો બીજી તરફ બોમ્બે સ્ટોક એક્સચેન્જ પર રિલાયન્સ ઇન્ડસ્ટ્રીઝના શેરમાં દોઢ ટકાનો વધારો જોવા મળી રહ્યો છે. તે જ સમયે, ટીસીએસના શેરમાં 2.50 ટકાનો વધારો જોવા મળી રહ્યો છે. ઇન્ફોસિસના શેર લગભગ 2 ટકાના વધારા સાથે કારોબાર કરી રહ્યા છે.
રોકાણકારોને 6.55 લાખ કરોડ રૂપિયાનો ફાયદો
શેરબજારમાં આ તેજીના કારણે રોકાણકારોને ગણતરીની મિનિટોમાં 6.50 કરોડ રૂપિયાથી વધુનો ફાયદો થયો છે. વાસ્તવમાં રોકાણકારોના નફા-નુકસાનને બીએસઈની માર્કેટ કેપ સાથે જોડી દેવામાં આવે છે. બીએસઇ એક દિવસ અગાઉ બંધ થયું ત્યારે માર્કેટ કેપ રૂ.૪,૨૯,૦૮,૮૪૬.૩૬ કરોડ હતી, જ્યારે બીએસઇની માર્કેટ કેપ ઘટીને સવારે ૧૦.૩૦ કલાકે રૂ.૪,૩૫,૬૩,૮૬૫.૧૪ કરોડ થઇ હતી. એટલે કે તેમાં 6,55,018.78 કરોડ રૂપિયાનો વધારો જોવા મળ્યો છે. એટલે કે રોકાણકારોએ સારો નફો કર્યો છે. છેલ્લા 7 ટ્રેડિંગ દિવસોમાં રોકાણકારોને 23.50 લાખ કરોડ રૂપિયાનું નુકસાન થયું હતું.
