India Canada Relations: Date 20-11-2024 કેનેડા અને ભારત વચ્ચેના સંબંધોમાં ખૂબ જ તણાવ જોવા મળી રહ્યો છે. કેનેડાના પીએમ જસ્ટિન ટ્રુડોએ ભારત પર ઘણા આરોપ લગાવ્યા છે. આ સાથે જ ભારતે તમામ આરોપોને બિલકુલ નકારી દીધા છે.
છેલ્લા કેટલાક મહિનાઓમાં ભારત અને કેનેડા વચ્ચેના સંબંધો વધ્યા છે. કેનેડાના વડા પ્રધાન જસ્ટિન ટ્રુડોએ ભારત સાથેના સંબંધોને ખૂબ જ ખરાબ કર્યા છે. કદાચ આ જ કારણ છે કે બ્રાઝિલની રાજધાની રિયો ડી જાનેરોમાં આયોજિત જી-20 સંમેલનમાં ભારતે કેનેડાના વડાપ્રધાન જસ્ટિન ટ્રુડોની સંપૂર્ણ અવગણના કરી છે. આ સમિટમાં ભારતના વડાપ્રધાન નરેન્દ્ર મોદીએ દુનિયાભરના નેતાઓ સાથે દ્વિપક્ષીય બેઠકો યોજી હતી. પરંતુ પીએમ મોદી સાથે જસ્ટિન ટ્રુડો સાથે મુલાકાતનો કોઇ ફોટો સામે આવ્યો નથી.
પ્રધાનમંત્રી શ્રી નરેન્દ્ર મોદીએ બ્રાઝિલમાં આયોજિત જી-20 શિખર સંમેલન દરમિયાન ઇટાલીના પ્રધાનમંત્રી જ્યોર્જિયા મેલોની, નોર્વેના પ્રધાનમંત્રી જોનસ ગહર સ્ટોર, દક્ષિણ કોરિયાના રાષ્ટ્રપતિ યૂન સૂક યેઓલ વગેરેની સાથે દ્વિપક્ષીય બેઠકોની તસવીરો શેર કરી હતી. હવે સવાલ એ છે કે શું બંને દેશોના વડાપ્રધાન જાણીજોઈને એકબીજાને મળવાનું ટાળી રહ્યા છે? જો કે, આ અંગે બંને દેશોએ સત્તાવાર રીતે કંઇ કહ્યું નથી.
પીએમ મોદીએ જસ્ટિન ટ્રુડોની અવગણના કરી
બ્રાઝિલમાં આયોજીત જી-20 સમિટ સાથે જોડાયેલો એક વીડિયો સોશિયલ મીડિયા પર ખૂબ વાયરલ થઇ રહ્યો છે. આ વીડિયોમાં વડાપ્રધાન નરેન્દ્ર મોદી કેનેડાના વડાપ્રધાન જસ્ટિન ટ્રુડોની અવગણના કરતા નજરે પડે છે. ખરેખર, આ વીડિયો તે સમયનો છે જ્યારે જી-20ના તમામ મહેમાનો ફોટા માટે સાથે ઉભા હતા. આ દરમિયાન પીએમ મોદી અને જસ્ટિન ટ્રૂડો સાથે ઉભા રહ્યા, જો કે અમેરિકી રાષ્ટ્રપતિ જો બિડેન તેમની વચ્ચે ઉભા રહ્યા. વીડિયોમાં જોઈ શકાય છે કે, બિડેન પીએમ મોદીના ખભા પર હાથ મૂકી રહ્યા છે અને તેઓ જસ્ટિન ટ્રુડોને કંઈક કહી રહ્યા હતા. આ દરમિયાન જો બાઈડેને કંઈક કહ્યું તો પીએમ મોદી પણ હસવા લાગ્યા. પરંતુ મોદીએ વાતચીતને આગળ ન વધારી અને તેઓ બીજી રીતે જોવા લાગ્યા.
આ પણ વાંચો: યુદ્ધ અને અશાંતિથી ‘3 એફ’નું સંકટ, પીએમ મોદીએ જી-20 મંચથી આખી દુનિયાને આપી ચેતવણી
