આ છે ‘ઓપરેશન સિંદૂર’ની તાકાત, રોકાણકારો કરી રહ્યા છે આ ડિફેન્સ શેરોને ખરીદવા માટે સ્પર્ધા

ડિફેન્સ શેરોમાં સતત વધારો થઈ રહ્યો છે. જેમાં એવેન્ટેલ લિમિટેડ, આઇડિયાફોર્જ ટેકનોલોજી લિમિટેડ, એમટીએઆર ટેક્નોલોજીસ લિમિટેડનો સમાવેશ થાય છે. આ ત્રણેય શેર આજે સવારથી લીલા નિશાન પર કારોબાર કરી રહ્યા છે. તો બીજી બાજુ પારસ ડિફેન્સ એન્ડ સ્પેસ ટેક્નોલોજીસ લિમિટેડના શેર 2.95% ના વધારા સાથે 1,409.00 રૂપિયા પર કારોબાર કરી રહ્યા છે.

પહેલગામ હુમલાના 15 દિવસ બાદ જ ભારતે પાકિસ્તાનમાં આતંકીઓથી બદલો લીધો છે. ‘ઓપરેશન સિંદૂર’ હેઠળ ભારત દ્વારા કરવામાં આવેલી ચોક્કસ કાઉન્ટર-એર સ્ટ્રાઇક બાદ ડિફેન્સ શેરોમાં શાનદાર તેજી જોવા મળી રહી છે. બીએસઈ પર બપોરે 12 વાગ્યાની આસપાસ મઝગાંવ ડોક શિપબિલ્ડર્સ લિમિટેડનો શેર 2.19 ટકાના વધારા સાથે 2,870.10 રૂપિયા પર ટ્રેડ કરી રહ્યો છે.

પારસ ડિફેન્સના શેરમાં જબરદસ્ત ઉછાળો

એ જ રીતે પારસ ડિફેન્સ એન્ડ સ્પેસ ટેક્નોલોજીસ લિમિટેડનો શેર 2.16 ટકાના વધારા સાથે 1,409.00 રૂપિયા પર ટ્રેડ કરી રહ્યો છે. હિન્દુસ્તાન એરોનોટિક્સ લિમિટેડની વાત કરીએ તો તે પણ 0.35% ના વધારા સાથે 4,483.50 રૂપિયા પર કારોબાર કરી રહી છે. પહેલગામ હુમલા બાદ ભારત અને પાકિસ્તાન વચ્ચે તણાવ વધ્યા બાદ ભારતીય ડિફેન્સ કંપનીઓના માર્કેટ વેલ્યુએશનમાં 5 અબજ ડોલરથી વધુનો વધારો થયો છે.

આ શેરોમાં પણ વધારો

આ સાથે વધુ ડિફેન્સ શેરોમાં તેજી જોવા મળી રહી છે. જેમાં એવેન્ટેલ લિમિટેડ, આઇડિયાફોર્જ ટેકનોલોજી લિમિટેડ, એમટીએઆર ટેક્નોલોજીસ લિમિટેડનો સમાવેશ થાય છે. આ ત્રણેય શેર આજે સવારથી લીલા નિશાન પર કારોબાર કરી રહ્યા છે. બજારના જાણકારોના જણાવ્યા પ્રમાણે, ડિફેન્સ શેરોમાં હાલના સેશનમાં પહેલાથી જ વધારો જોવા મળી રહ્યો છે. રોકાણકારો આમાં નફો પણ બુક કરાવી શકે છે.

2 સપ્તાહમાં 27.55 ટકાનો વધારો

પારસ ડિફેન્સ એન્ડ સ્પેસ ટેક્નોલોજીસ લિમિટેડના આઈપીઓની કિંમત 175 રૂપિયા હતી. આજે કંપનીના શેરનો ભાવ 1,408.60 રૂપિયા છે. છેલ્લા બે સપ્તાહમાં કંપનીના શેરમાં 31.34 ટકાનો વધારો જોવા મળ્યો છે. 1 મહિનામાં 48.33 ટકા અને 3 મહિનામાં 35.44 ટકાનો વધારો થયો છે. કંપનીનો શેર 6 મહિનામાં 37.44 ટકા વધ્યો છે. 1 વર્ષમાં આ શેરે 99.90 ટકાનું રિટર્ન આપ્યું છે. સાથે જ તેણે 2 વર્ષમાં 159.56 ટકા રિટર્ન આપ્યું છે. 3 વર્ષની વાત કરીએ તો આ સ્ટોકે 125.93 ટકાનું રિટર્ન આપ્યું છે.

અસ્વીકરણ: આ લેખ માત્ર માહિતી માટે છે અને તેને કોઈ પણ રીતે રોકાણની સલાહ તરીકે ગણવો જોઈએ નહીં. Azad Sandesh તેના વાચકો અને દર્શકોને કોઈપણ નાણાકીય નિર્ણય લેતા પહેલા તેમના નાણાકીય સલાહકારોની સલાહ લેવાની સલાહ આપે છે.