શીર્ષક:
CM ભૂપેન્દ્ર પટેલની અધ્યક્ષતામાં આજે કેબિનેટ બેઠક, લગ્ન નોંધણીના સુધારેલા નિયમો સહિત અનેક મહત્વના મુદ્દાઓ પર ચર્ચા
સમાચાર
ગાંધીનગર ખાતે આજે મુખ્યમંત્રી ભૂપેન્દ્ર પટેલની અધ્યક્ષતામાં રાજ્ય કેબિનેટની મહત્વપૂર્ણ બેઠક યોજાશે. આ બેઠકમાં લગ્ન નોંધણીના સુધારેલા નિયમોને કેબિનેટ સમક્ષ રજૂ કરવામાં આવશે અને તેને મંજૂરી મળવાની સંભાવના છે.
કેબિનેટ બેઠકમાં પ્રધાનમંત્રી નરેન્દ્ર મોદીના આગામી ગુજરાત પ્રવાસની તૈયારીઓ અંગે પણ વિગતવાર ચર્ચા કરવામાં આવશે. ખાસ કરીને કચ્છ અને સૌરાષ્ટ્ર રીજનલ વાયબ્રન્ટ સમિટમાં PM મોદીની ઉપસ્થિતિને લઈ આયોજન અને વ્યવસ્થાઓ પર મंथન થવાનું છે.
આ ઉપરાંત રાજ્યના આગામી બજેટની તૈયારીઓ અને સમીક્ષા અંગે ચર્ચા કરવામાં આવશે. સાથે જ ચાલુ બજેટમાં પડતર રહેલા નાણાં અને ખર્ચની સ્થિતિ અંગે કેબિનેટ દ્વારા સમીક્ષા થવાની શક્યતા છે.
બેઠકમાં કૃષિ ક્ષેત્ર સંબંધિત મુદ્દાઓ પણ અગત્યના રહેશે. રવિ સીઝનમાં પાક વાવેતરની સ્થિતિ અને સિંચાઈ માટેના પાણીની ઉપલબ્ધતા અંગે ચર્ચા થઈ શકે છે. રાજ્યના વિકાસ અને નીતિગત નિર્ણયોને લઈ આ કેબિનેટ બેઠક મહત્વપૂર્ણ માનવામાં આવી રહી છે.
