ગાંધીનગર, 28 ઑક્ટોબર, 2025
ગુજરાત સરકારે વહીવટી તંત્રમાં મહત્વપૂર્ણ ફેરફાર કરતાં મનોજ કુમાર દાસ (IAS, RR:GJ:1990) ને રાજ્યના નવા મુખ્ય સચિવ તરીકે નિયુક્ત કર્યા છે. તેઓ હાલ મુખ્ય પ્રધાનના એડિશનલ મુખ્ય સચિવ તરીકે કાર્યરત હતા.
સરકારના જનરલ એડમિનિસ્ટ્રેશન વિભાગ દ્વારા બહાર પાડવામાં આવેલી સૂચના મુજબ, મનોજ કુમાર દાસ 31 ઑક્ટોબર, 2025થી પદભાર સંભાળશે. તેઓ હાલના મુખ્ય સચિવ શ્રી પંકજ જોષી (IAS)નો સ્થાન લેશે, જેમની એ જ તારીખે નિવૃત્તિ થવાની છે.
આ આદેશ ગુજરાત રાજ્યના રાજ્યપાલના નામે સુનૈના તોમર, વધારાની મુખ્ય સચિવ (પર્સનલ), જનરલ એડમિનિસ્ટ્રેશન વિભાગ દ્વારા બહાર પાડવામાં આવ્યો છે.
એમ.કે. દાસ — અનુભવી અને ટેકનોલોજી-સજ્જ વહીવટકર્તા
ગુજરાતના ચીફ સેક્રેટરી (મુખ્ય સચિવ) તરીકે નિયુક્ત થયેલા એમ.કે. દાસ, જેમનું પૂરું નામ મનોજ કુમાર દાસ છે, ભારતીય વહીવટી સેવા (IAS)ના એક જાણીતા અને અનુભવી અધિકારી છે. વર્ષ 1990 બેચના ગુજરાત કેડરના વરિષ્ઠ અધિકારી એમ.કે. દાસ પ્રભાવશાળી નેતૃત્વ, પારદર્શક વહીવટ અને ટેકનોલોજીકલ દૃષ્ટિકોણ માટે જાણીતા છે.
મનોજ કુમાર દાસનો જન્મ 20 ડિસેમ્બર, 1966ના રોજ બિહારના દરભંગા જિલ્લામાં થયો હતો. તેમની શૈક્ષણિક યોગ્યતા તેમને અન્ય વહીવટી અધિકારીઓથી અલગ પાડે છે. તેમણે દેશની પ્રતિષ્ઠિત સંસ્થા IIT ખડગપુરમાંથી કમ્પ્યુટર સાયન્સમાં બી.ટેક. (ઓનર્સ)ની ડિગ્રી પ્રાપ્ત કરી છે, જે દર્શાવે છે કે વહીવટની સાથે ટેકનોલોજી અને નવીનતા પર પણ તેમની મજબૂત પકડ છે.
તેઓએ ગુજરાત સરકારમાં વિવિધ મહત્વપૂર્ણ વિભાગોમાં સેવા આપી છે, જેમાં ઉદ્યોગ, નાણાં, માહિતી પ્રૌદ્યોગિકી અને મુખ્ય પ્રધાન કાર્યાલય જેવા વિભાગોનો સમાવેશ થાય છે. એમ.કે. દાસે રાજ્યના વિકાસ પ્રોજેક્ટ્સમાં મહત્વપૂર્ણ ભૂમિકા ભજવી છે અને ઉદ્યોગિક વિકાસ માટેની નીતિગત દિશા નક્કી કરવામાં પણ યોગદાન આપ્યું છે.
પંકજ જોષી નિવૃત — દાસ સંભાળશે મુખ્ય જવાબદારી
હાલના મુખ્ય સચિવ પંકજ જોષી IAS 31 ઑક્ટોબરે નિવૃત થઈ રહ્યા છે. તેમના નિવૃત્તિ બાદ મનોજ કુમાર દાસ રાજ્યના additional વહીવટકર્તા તરીકે મહત્વપૂર્ણ જવાબદારી સંભાળશે. દાસની નિમણૂકથી રાજ્યના વહીવટમાં વધુ પારદર્શિતા, ટેકનોલોજી આધારિત સુધારા અને નવીનતા આવવાની અપેક્ષા છે.
