યુદ્ધવિરામ પછી થયેલા આ હુમલામાં કોઈ નુકસાન કે જાનહાનિ અંગે તાત્કાલિક કોઈ માહિતી નથી, પરંતુ ઈરાની મીડિયાએ અહેવાલ આપ્યો છે કે ઇઝરાયલી દુશ્મને તેહરાન નજીક એક જૂના રડારને નિશાન બનાવ્યું હતું.
ઈરાની મીડિયા અનુસાર, મંગળવારે સાંજે તેહરાનના ઉત્તરીય ભાગમાં બે મોટા વિસ્ફોટો સંભળાયા હતા. મંગળવારે વહેલી સવારે ટ્રમ્પ દ્વારા યુદ્ધવિરામની જાહેરાત કર્યા પછી પણ ઈઝરાયલે ઈરાન પર હુમલા બંધ કર્યા નથી. ઈઝરાયલનું આ પગલું યુદ્ધવિરામના પ્રયાસોને બગાડી શકે છે.
દરમિયાન, ઇઝરાયલ આર્મી રેડિયોએ માહિતી આપી હતી કે ઇઝરાયલ વાયુસેનાએ તેહરાન નજીક એક રડાર પર હુમલો કર્યો છે. આરબ દેશોએ બંને દેશોને યુદ્ધવિરામનું પાલન કરવા વિનંતી કરી છે, જ્યારે ટ્રમ્પે પણ ઇઝરાયલના આક્રમક અભિગમ પર નિરાશા વ્યક્ત કરી છે. ઇઝરાયલનો આ હુમલો ફરી એકવાર યુદ્ધની શરૂઆત કરી શકે છે.
