બનાવવામાં આવ્યું હતું, અને ઉમેર્યું હતું કે હુમલા બાદ નેતન્યાહૂની સ્થિતિ અસ્પષ્ટ છે.
ઈરાન વિરુદ્ધ ઈઝરાયલ અને અમેરિકાના સંયુક્ત હુમલાઓએ મધ્ય પૂર્વમાં તણાવ વધાર્યો છે, જ્યારે ઈરાન સતત બદલો લેવાના હુમલાઓ કરી રહ્યું છે. દરમિયાન, ઈરાનના ઈસ્લામિક રિવોલ્યુશનરી ગાર્ડ કોર્પ્સ (IRGC) એ દાવો કર્યો છે કે તેલ અવીવમાં નેતન્યાહૂના કાર્યાલય અને ઇઝરાયલી વાયુસેના કમાન્ડરના બેઝને નિશાન બનાવવામાં આવ્યા છે. તેમણે એમ પણ કહ્યું કે હુમલા બાદ નેતન્યાહૂની સ્થિતિ અસ્પષ્ટ છે.
ખામેનીના મૃત્યુ પછી ઈરાને હુમલાઓ વધુ તીવ્ર બનાવ્યા
આ જાહેરાત ઇઝરાયલ-ઈરાન સંઘર્ષ વચ્ચે આવી છે, જે યુએસ-ઇઝરાયલી સંયુક્ત કાર્યવાહીમાં ઇરાનના સર્વોચ્ચ નેતા અલી ખામેનીની હત્યા બાદ વધી ગયો છે. જવાબમાં, તેહરાન અને તેના સાથી લશ્કરોએ ઇઝરાયલી શહેરો અને ગલ્ફ ક્ષેત્રમાં યુએસ બેઝ પર મિસાઇલ અને ડ્રોન હુમલા શરૂ કર્યા છે.
ઇઝરાયલે હુમલાને ફગાવી દીધો
જોકે, ઇઝરાયલે પીએમ નેતન્યાહૂના કાર્યાલય પર મિસાઇલ હુમલો કરવાના ઇરાનના દાવાને સંપૂર્ણપણે નકારી કાઢ્યો છે. ઇઝરાયલે કહ્યું છે કે આવો કોઈ હુમલો થયો નથી.
ટ્રમ્પે ઈરાનને હથિયારો છોડી દેવાનું કહ્યું
આ દરમિયાન, યુએસ પ્રમુખ ડોનાલ્ડ ટ્રમ્પે ઈરાની લશ્કરી અધિકારીઓને શરણાગતિ સ્વીકારવાનું આહ્વાન કર્યું છે. તેમણે જણાવ્યું હતું કે ઈરાન સામે લશ્કરી અભિયાન તેના તમામ ઉદ્દેશ્યો પ્રાપ્ત ન થાય ત્યાં સુધી ચાલુ રહેશે. ટ્રમ્પે જણાવ્યું હતું કે બદલામાં, તેઓ સંપૂર્ણ સુરક્ષા ગેરંટી આપશે. તેમણે ઈરાની લશ્કરી કર્મચારીઓને શરણાગતિ સ્વીકારવા અથવા ચોક્કસ મૃત્યુનો સામનો કરવા વિનંતી કરી. ટ્રમ્પે કહ્યું કે આ ભયાનક હશે.
