અમેરિકન અર્થશાસ્ત્રી રિચાર્ડ વુલ્ફના મતે, ભારત પર કડક વલણ અપનાવીને અમેરિકા પોતાના હિતોને નુકસાન પહોંચાડી રહ્યું છે. ટ્રમ્પ બ્રિક્સ જૂથને નબળું માને છે, જ્યારે બ્રિક્સ પશ્ચિમી આર્થિક પ્રભુત્વનો મજબૂત વિકલ્પ બની રહ્યું છે. ટેરિફ લાદવાથી અમેરિકાને નુકસાન થશે અને બ્રિક્સ દેશોનો પ્રભાવ વધશે.
ટેરિફ લાદવાથી અમેરિકાને નુકસાન થશે
રશિયા ટુડેને આપેલા ઇન્ટરવ્યુમાં વુલ્ફે કહ્યું કે જો અમેરિકા ભારત માટે પોતાના દરવાજા બંધ કરી દેશે, તો ભારતને પોતાનો માલ વેચવા માટે અન્ય સ્થળો મળશે અને આ પગલું બ્રિક્સ દેશોને વધુ મજબૂત બનાવશે. જેમ રશિયાએ પોતાનું ક્રૂડ ઓઇલ વેચવા માટે બીજી જગ્યા શોધી કાઢી છે, તેવી જ રીતે ભારત પણ તેને બ્રિક્સના બાકીના દેશોને વેચશે.
વુલ્ફે કહ્યું કે જો તમે ચીન, ભારત, રશિયા અને બ્રિક્સને લો, તો કુલ વૈશ્વિક ઉત્પાદનમાં આ દેશોનો હિસ્સો 35% છે. G7 નો હિસ્સો ઘટીને લગભગ 28% થઈ ગયો છે.
