ભચાઉ પોલીસે લગ્નના બહાને છેતરપિંડી આચરતી ગેંગ ઝડપી પાડી છે. 1 મહિલા સહિત 2 આરોપીની પોલીસે કરી ધરપકડ. ખોટા નામ, આધારકાર્ડ બતાવી યુવકો સાથે લગ્ન કરતા. પરિવાર પાસેથી લાખો રૂપિયા પડાવીને લૂંટી લેતા. લગ્નના થોડા જ દિવસોમાં પત્ની બહાનું કાઢી ભાગી જતી. અમદાવાદની સોનિયા પટેલ, ભચાઉના ધર્મેન્દ્રસિંહ સોલંકીની ધરપકડ કરી છે.
પરવાનેદાર હથિયારધારકોને તેમના હથિયાર 7 દિવસમાં પોલીસ સ્ટેશને જમા કરાવવા આદેશ
અમરેલી જિલ્લામાં સ્થાનિક સ્વરાજની ચૂંટણીને લઈ ચૂંટણીપંચ સક્રિય થયું છે. જિલ્લા કલેકટર વિકલ્પ ભારદ્વાજે ચૂંટણી અંતગર્ત પરવાનેદાર હથિયારો જમા કરવા આદેશ આપ્યો છે. 7 દિવસમાં તમામ હથિયાર ધારકોને પોલીસ સ્ટેશનમાં જમા કરવા આદેશ આપ્યો. મતદાન શાંતિપૂર્ણ માહોલ વચ્ચે યોજવા કાયદો વ્યવસ્થા જળવાય રહે તે માટે પ્રક્રિયા હાથ ધરી. કલેકટરના આદેશ બાદ જિલ્લા પોલીસ વડા દ્વારા પોલીસ સ્ટેશન અધિકારીઓને સૂચના આપી. હથિયાર પરવાનેદારો હથિયાર જમા કરવા હુકમ ભંગ થશે તો કાર્યવાહી થશે. જિલ્લા કલેકટર વિકલ્પ ભારદ્વાજ દરેક તાલુકા મથક ઉપર ચૂંટણી દરમ્યાન સતત મોનીટરીંગ કરશે.
સુરત: વોર્ડ 2માં પતિ અને પત્નીની દાવેદારી બની ચર્ચાનો વિષય
સુરતના વોર્ડ નં. 2માં પતિ-પત્નીની રાજકીય દાવેદારી ચર્ચાનો વિષય બની છે. ધાર્મિક માલવિયાએ ભાજપમાં દાવેદારી નોંધાવી છે, જ્યારે તેમની પત્ની મોનાલી હિરપરાએ આમ આદમી પાર્ટીમાં પોતાની ઉમેદવારી રજૂ કરી છે. AAPના શહેર પ્રમુખ ધર્મેશ ભંડેરીના જણાવ્યા મુજબ, મોનાલીબેને સેન્સ પ્રક્રિયામાં હાજરી આપી હતી અને ફરી કોર્પોરેટર બનવાની ઈચ્છા વ્યક્ત કરી છે. તેમણે વધુમાં કહ્યું કે છેલ્લા પાંચ વર્ષમાં મોનાલીબેને AAPમાંથી સારો કાર્ય કર્યું છે. બીજી તરફ, બે દિવસ પહેલાં ધાર્મિક માલવિયાએ ભાજપમાં દાવેદારી નોંધાવી હતી અને પત્ની રાજકીય રીતે સક્રિય ન હોવાનો દાવો કર્યો હતો. હવે એક જ પરિવારના બે સભ્યો અલગ-અલગ પાર્ટીમાંથી દાવેદારી કરતા રાજકીય ગરમાવો વધ્યો છે.
