ઉત્તર પ્રદેશમાં 24 કલાકના નોન-સ્ટોપ સત્ર દરમિયાન, સપા ધારાસભ્ય પૂજા પાલે સીએમ યોગી આદિત્યનાથની ખૂબ પ્રશંસા કરી હતી. જોકે, આ પ્રશંસા હવે તેમને ભારે પડી છે. સમાજવાદી પાર્ટીએ તેમને પાર્ટીમાંથી બહારનો રસ્તો બતાવી દીધો છે.
રાજ્યસભાની ચૂંટણીમાં ક્રોસ વોટિંગ થયું હતું
પૂજા પાલનું બળવાખોર વલણ નવું નથી. રાજ્યસભા ચૂંટણી દરમિયાન ક્રોસ-વોટિંગ કરનારા 7 સપા સાંસદોમાં પૂજા પાલ પણ સામેલ હતી. તાજેતરમાં જ અખિલેશ યાદવે 3 બળવાખોર સપા ધારાસભ્યોને પાર્ટીમાંથી હાંકી કાઢ્યા હતા. હવે વધુ એક ધારાસભ્ય પૂજા પાલના વિરુદ્ધ કાર્યવાહી કરવામાં આવી છે.
સીએમ યોગીના વખાણમાં તેમણે શું કહ્યું?
મુખ્યમંત્રી યોગીની પ્રશંસા કરતા ધારાસભ્ય પૂજા પાલે ગૃહમાં કહ્યું હતું કે તેમણે અતિક અહેમદ જેવા માફિયાઓનો નાશ કર્યો છે. મુખ્યમંત્રી યોગી આદિત્યનાથે શૂન્ય સહિષ્ણુતા જેવી નીતિઓ લાવી છે અને મારા જેવી ઘણી મહિલાઓને ન્યાય આપ્યો છે, જેના કારણે અતિક અહેમદ જેવા ગુનેગારો માર્યા ગયા છે. તેમણે કહ્યું હતું કે મુખ્યમંત્રી યોગીએ તેમને તેમજ રાજ્યની ઘણી મહિલાઓને ન્યાય આપ્યો છે. જ્યારે કોઈએ મારી વાત સાંભળી નહીં, ત્યારે મુખ્યમંત્રી યોગીએ મારી વાત સાંભળી. આજે આખું રાજ્ય મુખ્યમંત્રી તરફ વિશ્વાસથી જુએ છે.
