હવે જમ્મુ અને કાશ્મીરના કિશ્તવાડના ચાશોટી વિસ્તારમાં વાદળ ફાટવાથી ભારે વિનાશ થયો છે. આ આપત્તિ માચૈલ માતા મંદિરના યાત્રા માર્ગ પર આવી છે. આ દુર્ઘટનામાં અત્યાર સુધીમાં 46 લોકોના મોત થયા છે. ઉપરાંત, લગભગ 200 લોકો હજુ પણ ગુમ છે.
હિમાચલ પ્રદેશ અને ઉત્તરાખંડ પછી હવે જમ્મુ-કાશ્મીરમાં વાદળ ફાટવાથી મોટી આફત સર્જાઈ છે. ગુરુવારે જમ્મુ-કાશ્મીરના કિશ્તવારના ચાશોટી વિસ્તારમાં વાદળ ફાટવાથી આવેલા પૂરમાં 46 લોકોના મોત થયા હતા. આમાં CISFના બે જવાન પણ સામેલ છે. આ ઉપરાંત 200 લોકો ગુમ થયાના અહેવાલ છે. કિશ્તવારમાં વાદળ ફાટવાની ઘટના બની અને બે મિનિટમાં જ માચૈલ માતા મંદિરના યાત્રા માર્ગ પર પથ્થરો અને કાટમાળનું પૂર આવી ગયું. જે કોઈ પણ જગ્યાએ હતું, દટાઈ ગયું અથવા ત્યાં ફસાઈ ગયું. લોકોને વિચારવાનો અને સમજવાનો કોઈ મોકો મળ્યો નહીં.
