અબોલ જીવ ને કતલખાને થી બચાવા જતા રાજકોટ ના બે ગૌરક્ષકો પર ઢીકા પાટુ નો માર મારવા સહિત છરી વડે ધાતકી હુમલો
રાજકોટમાં અબોલ જીવની રક્ષા માટે કાર્યરત ગૌરક્ષકો પર થયેલી હિંસક ઘટનાએ શહેરમાં ચકચાર મચાવી છે. ગેરકાયદેસર કતલ માટે અબોલ જીવ લઈ જવાતા હોવાની માહિતીના આધારે ગૌરક્ષકો દ્વારા વાહન રોકવાનો પ્રયાસ કરવામાં આવ્યો હતો, દરમિયાન આરોપીઓએ ટોળું બનાવી ઢીકા-પાટુ અને છરી વડે હુમલો કર્યો હતો. આ ઘટનામાં બે ગૌરક્ષકોને ઇજા પહોંચી છે. સમગ્ર મામલો માત્ર વ્યક્તિગત હુમલો નહીં પરંતુ સમાજની જીવદયા અને કાયદા પ્રત્યેની ભાવનાને પડકાર આપતો હોવાનું માનવામાં આવી રહ્યું છે. ઘટનાને લઈ પોલીસ ફરિયાદ નોંધાઈ છે અને CCTVના આધારે તપાસ શરૂ કરવામાં આવી છે. હવે પ્રશાસન દ્વારા ગેરકાયદેસર કતલ સામે કડક પગલાં અને જીવદયાના કાર્ય સાથે જોડાયેલા લોકોની સુરક્ષા સુનિશ્ચિત કરવાની માંગ ઉઠી છે.
