રાહુલ ગાંધીએ કહ્યું કે ફરિયાદીઓ નાથુરામ ગોડસે અને ગોપાલ ગોડસેના વંશજ છે, જેમનો ઇતિહાસ હિંસક પ્રવૃત્તિઓ સાથે સંકળાયેલો છે. આ દરમિયાન રાહુલે રવનીત સિંહ બિટ્ટુ અને તરવિંદર સિંહ મારવાહનો પણ ઉલ્લેખ કર્યો.
ફરિયાદી નાથુરામ ગોડસેના વંશજ છે
રાહુલ ગાંધીએ કહ્યું કે ફરિયાદીઓ નાથુરામ ગોડસે અને ગોપાલ ગોડસેના વંશજ છે, જેમનો ઇતિહાસ હિંસક પ્રવૃત્તિઓ સાથે સંકળાયેલો છે. આ દરમિયાન રાહુલે રવનીત સિંહ બિટ્ટુ અને તરવિંદર સિંહ મારવાહનો પણ ઉલ્લેખ કર્યો.
રવનીત રાહુલને આતંકવાદી કહ્યા હતા
રાહુલ ગાંધીની અરજીમાં રવનીત સિંહ બિટ્ટુનું નામ છે. રવનીત રાહુલને દેશનો નંબર વન આતંકવાદી કહ્યો હતો. આ ઉપરાંત અરજીમાં ભાજપ નેતા તરવિંદર સિંહ મારવાહનું નામ પણ છે. મારવાહે રાહુલ ગાંધીને ધમકી પણ આપી હતી. તરવિંદર સિંહે કહ્યું હતું કે રાહુલ ગાંધીની હાલત તેમની દાદી જેવી થશે. રાહુલના વકીલે સુનાવણી દરમિયાન રાહુલને વધારાની સુરક્ષા પૂરી પાડવા કોર્ટને વિનંતી કરી હતી.
સાવરકરના પૌત્રએ ફરિયાદ નોંધાવી હતી
વી.ડી. સાવરકરના પૌત્ર સાત્યકી સાવરકરે પુણે કોર્ટમાં રાહુલ ગાંધી વિરુદ્ધ ફરિયાદ દાખલ કરી હતી. તેમાં કહેવામાં આવ્યું હતું કે રાહુલ ગાંધીએ લંડનમાં આપેલા ભાષણમાં દાવો કર્યો હતો કે સાવરકરે તેમના પુસ્તકમાં લખ્યું છે કે તેમણે અને તેમના મિત્રોએ એક મુસ્લિમ વ્યક્તિને માર માર્યો હતો અને તેઓ તેનાથી ખુશ હતા. સાત્યકીએ તેને ખોટું ગણાવ્યું, કારણ કે સાવરકરની કૃતિઓમાં આવી કોઈ ઘટના કે પુસ્તકનો ઉલ્લેખ નથી.
