એચડીએફસી બેન્ક અને આઈસીઆઈસીઆઈ બેન્કના શાનદાર ત્રિમાસિક પ્રદર્શનના કારણે સેન્સેક્સ અને નિફ્ટી બંનેએ શાનદાર શરૂઆત કરી છે. તો બીજી તરફ ટેક સેક્ટરના શેરમાં પણ તેજી જોવા મળી રહી છે. ગણતરીની મિનિટોમાં જ રોકાણકારોની બેગમાં શેર બજાર 3.60 લાખ કરોડ રૂપિયાથી પણ વધારે આવી ગયું છે.
શેરબજારમાં સતત 5માં દિવસે તેજી જોવા મળી રહી છે. જ્યાં સેન્સેક્સમાં 600 પોઇન્ટથી વધુનો ઉછાળો જોવા મળ્યો હતો. તો બીજી તરફ નેશનલ સ્ટોક એક્સચેન્જના પ્રમુખ ઈન્ડેક્સ નિફ્ટીએ 150 અંકને પાર કરતા 24000 અંકોને પાર કરી ગયા છે. શેરબજારમાં ટેક અને બેન્કિંગ શેરોમાં તેજી જોવા મળી રહી છે. એક્સિસ બેન્ક, એસબીઆઈ, ઈન્ડસઈન્ડ બેન્ક, એચડીએફસી બેન્કમાં તેજી જોવા મળી રહી છે. તો બીજી તરફ આઈટી સેક્ટર સાથે જોડાયેલી કંપનીઓની વાત કરીએ તો ટેક મહિન્દ્રા, એચસીએલ ટેક, ઈન્ફોસિસ, રિલાયન્સ જેવી કંપનીઓના શેરમાં વધારો જોવા મળી રહ્યો છે. શેરબજારમાં આવેલી આ તેજીને કારણે રોકાણકારોએ બજાર ખુલતાની ગણતરીની મિનિટોમાં જ 3.60 લાખ કરોડ રૂપિયાની કમાણી કરી લીધી હતી. તમને એ પણ જણાવીએ કે શેરબજારમાં કેવા કેવા આંકડા જોવા મળી રહ્યા છે.
શેરબજારમાં સતત તેજીનો દોર જારી
શેરબજારમાં સતત તેજી જોવા મળી રહી છે. સેન્સેક્સ અને નિફ્ટીમાં સતત 5માં દિવસે સારો વધારો જોવા મળી રહ્યો છે. બૉમ્બે સ્ટૉક એક્સચેન્જના પ્રમુખ ઈન્ડેક્સ સેન્સેક્સ સવારે 9.45 વાગ્યે 625.60 અંકોના વધારાની સાથે 79,178.80 અંક પર કારોબાર કરી રહ્યા છે. ખાસ વાત એ છે કે સેન્સેક્સ 643.33 પોઇન્ટના વધારા સાથે 79,196.53 પોઇન્ટ પર પહોંચી ગયો હતો. સેન્સેક્સ લગભગ સાડા ત્રણ મહિના એટલે કે 6 જાન્યુઆરી બાદ 79,000ની સપાટી પાર કરી ગયો છે.
બીજી બાજુ નેશનલ સ્ટોક એક્સચેન્જના પ્રમુખ ઈન્ડેક્સ નિફ્ટી 50એ 24 હજારને પાર કરી લીધો છે. ડેટા પર નજર કરીએ તો નિફ્ટી 9.50 મિનિટ પર 137.80 પોઇન્ટના વધારા સાથે 23,989.45 પોઇન્ટ પર કારોબાર કરી રહ્યો છે. આમ જોવા જઈએ તો નિફ્ટીએ પણ 24,036 પોઈન્ટને પાર કર્યો હતો. ડેટા પર નજર કરવામાં આવે તો નિફ્ટીએ 6 જાન્યુઆરી બાદ પહેલી વખત 24,000ની સપાટી પાર કરી છે. જાણકારોના મતે નિફ્ટીમાં આવનારા દિવસોમાં વધુ ગ્રોથ જોવા મળી શકે છે.
સેક્ટરલ ઇન્ડેક્સમાં વધારો
શરૂઆતી કારોબારમાં ફાઈનાન્શિયલ સેક્ટરમાં વધારો જોવા મળ્યો. આઈસીઆઈસીઆઈ બેન્ક અને એચડીએફસી બેન્ક જેવા શેરોમાં અનુક્રમે 2.1% અને 0.9% ના વધારા સાથે સારો વધારો જોવા મળ્યો છે. નિફ્ટી બેન્ક ઈન્ડેક્સમાં 1.4 ટકાનો વધારો દર્જ કરવામાં આવ્યો છે. ઓટો અને એફએમસીજી સિવાયના તમામ મોટા સેક્ટોરલ ઇન્ડેક્સ લીલા નિશાનમાં ખુલ્યા હતા. નિફ્ટી ઓટો 0.2 ટકા ઘટ્યો હતો, જ્યારે નિફ્ટી એફએમસીજી 0.6 ટકા ઘટ્યો હતો.વ્યાપક બજારોમાં પણ સકારાત્મક ગતિ જોવા મળી હતી, નિફ્ટીના મિડકેપ અને સ્મોલકેપ સૂચકાંકો અનુક્રમે 0.6% અને 0.5% વધ્યા હતા. ટેક મહિન્દ્રા, એક્સિસ બેન્ક, સ્ટેટ બેન્ક ઓફ ઇન્ડિયા, ઇન્ડસઇન્ડ બેન્ક અને એચડીએફસી બેન્ક 30 શેરના સેન્સેક્સમાં 1.6 ટકાથી 3.4 ટકા વચ્ચે વધીને ટોપ ગેઇનર્સ રહ્યા હતા.
શેર બજાર કેમ વધ્યું?
જિયોજિત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ ડો.વી.કે.વિજયકુમારે મીડિયા રિપોર્ટમાં જણાવ્યું હતું કે વૈશ્વિક અનિશ્ચિતતાઓ છતાં ભારત વધુ સારી સ્થિતિમાં હોય તેવું લાગે છે. તેમણે કહ્યું હતું કે, વૈશ્વિક આર્થિક પરિદૃશ્ય અનિશ્ચિતતામાં ઘેરાયેલું હોવા છતાં ભારત પ્રમાણમાં લવચીક દેખાય છે. તે એકમાત્ર મોટી અર્થવ્યવસ્થા છે જે વૈશ્વિક વાતાવરણમાં મંદી હોવા છતાં ૬ ટકાના દરે વિકાસ કરવા સક્ષમ છે. તેમણે જણાવ્યું હતું કે નબળા ડોલરથી નજીકના ભવિષ્યમાં ભારતમાં વિદેશી પોર્ટફોલિયો રોકાણકાર (એફપીઆઈ)ના પ્રવાહને વેગ મળી શકે છે. તેમણે કહ્યું કે એચડીએફસી બેન્ક અને આઈસીઆઈસીઆઈ બેન્કના ચોથા ક્વાર્ટરના પરિણામમાં બેન્ક નિફ્ટીને ઓલટાઈમ હાઈ પર લઈ જવાની ક્ષમતા છે. તેમણે કહ્યું કે ડિજિટલ સેક્ટર સાથે જોડાયેલા શેરોમાં પણ વધારો થવાની સંભાવના છે.
રોકાણકારોને 3 લાખ કરોડ રૂપિયાનો ફાયદો
સાથે જ શેરબજારમાં તેજીના કારણે રોકાણકારોને પણ ફાયદો થયો છે. રોકાણકારોનો નફો અને નુકસાન બીએસઈની માર્કેટ કેપ સાથે જોડાયેલું છે. ગુરુવારે શેરબજાર બંધ થયું ત્યારે બીએસઇની માર્કેટ કેપ રૂ.૪,૧૯,૬૦,૦૪૩.૩૧ કરોડ હતી જે સોમવારે ઘટીને રૂ.૪,૨૩,૨૦,૨૫૬.૭૩ કરોડ થઇ હતી. એટલે કે રોકાણકારોને 3.60 લાખ કરોડ રૂપિયાનો ફાયદો થયો છે. ટ્રેડિંગ સેશન દરમિયાન આ ફાયદો હજુ વધવાની આશા છે.
