ગુજરાત ક્રિકેટ એસોસિએશને તેના ખેલાડીઓ અંગે એક મોટું પગલું ભર્યું છે. આ વર્ષે તે પોતાની T20 લીગ શરૂ કરવા જઈ રહ્યું છે અને આ વાતની પુષ્ટિ ખુદ GCA સેક્રેટરી અનિલ પટેલે કરી છે.
ભારતમાં ઘણા રાજ્યો એવા છે જેમણે પોતાની ઘરેલુ T20 લીગ શરૂ કરી છે. હવે આ યાદીમાં વધુ એક નામ ઉમેરવા જઈ રહ્યું છે. ગુજરાત ક્રિકેટ એસોસિએશન 2025-26 સીઝનમાં પોતાની T20 લીગ શરૂ કરવા જઈ રહ્યું છે. ઘણા ખેલાડીઓ એવા છે જેઓ ભારતીય ઘરેલુ ટુર્નામેન્ટમાં સારું પ્રદર્શન કરે છે અને IPLમાં પણ પોતાની છાપ છોડતા જોવા મળ્યા છે. હવે ખૂબ જ ટૂંક સમયમાં ગુજરાતના ખેલાડીઓ પણ તેમની ફ્રેન્ચાઇઝી લીગમાં મજબૂત ક્રિકેટ રમતા જોવા મળશે. આ વાતની પુષ્ટિ ખુદ ગુજરાત ક્રિકેટ એસોસિએશનના સેક્રેટરી અનિલ પટેલે કરી છે.
ગુજરાત ક્રિકેટ એસોસિએશનના સેક્રેટરી અનિલ પટેલે ક્રિકબઝને આ નિર્ણયની પુષ્ટિ કરી છે. તેમણે કહ્યું છે કે નવી ફ્રેન્ચાઇઝી T20 ટુર્નામેન્ટ ટૂંક સમયમાં શરૂ થવા જઈ રહી છે. આ સાથે, તેમણે અન્ય મહત્વપૂર્ણ માહિતી વિશે જણાવ્યું છે કે એસોસિએશન ટૂંક સમયમાં આ અંગે એક બેઠક યોજશે અને તેનો નિર્ણય જાહેર કરશે.
