બાંગ્લાદેશમાં આજે તારિક રહમાન સરકારની શપથવિધિ યોજાવાની છે, જેમાં તારિક રહમાન વડાપ્રધાન પદના શપથ લેશે. Bangladesh Nationalist Party (BNP)ના અધ્યક્ષ તરીકે તેમણે તાજેતરની સામાન્ય ચૂંટણીમાં 297માંથી 209 બેઠકો જીતી ભવ્ય જીત નોંધાવી છે. સાંજે 4 વાગ્યે બાંગ્લાદેશના રાષ્ટ્રપતિ તેમના શપથવિધિ સંચાલિત કરશે. શપથવિધિ સમારંભમાં ભારતમાંથી લોકસભાના સ્પીકર ઓમ બિરલા હાજરી આપશે. ઉપરાંત મોહમ્મદ Muizzu સહિત શ્રીલંકા અને તુર્કિયેના પ્રતિનિધિઓ પણ ઉપસ્થિત રહેશે. કુલ અંદાજે 1,200 જેટલા મહેમાનો આ ઐતિહાસિક સમારંભમાં હાજર રહેવાની શક્યતા છે.
વડોદરા : અલકાપુરી વિસ્તારમાં યુવકની બેરહેમીથી પીટાઇ
વડોદરાના અલકાપુરી વિસ્તારમાં એક યુવકની બેરહેમીથી પીટાઈનો બનાવ સામે આવ્યો છે. માહિતી મુજબ, ઇન્ડિયાબુલ મોલમાં આવેલી એક ઓફિસમાં યુવકને બંધક બનાવી કેટલાક યુવાનો અને યુવતીએ બેફામ માર માર્યો હતો. વાયરલ થયેલા વીડિયોમાં યુવક પર થપ્પડોના વરસાદ સાથે લાકડીઓથી હુમલો કરતા દ્રશ્યો જોવા મળે છે, જે ઘટનાની ગંભીરતા દર્શાવે છે. સમગ્ર મામલો સોશિયલ મીડિયા પર વાયરલ થતાં પોલીસે વીડિયોના આધારે તપાસ શરૂ કરી છે અને આરોપીઓની ઓળખ માટે કાર્યવાહી હાથ ધરી છે.
ગુજરાત વિધાનસભાના આઠમાં સત્રનો આજે બીજો દિવસ
ગુજરાત વિધાનસભાના આઠમા સત્રનો આજે બીજો દિવસ છે, જેમાં બપોરે 12 વાગ્યે તારાંકિત પ્રશ્નોત્તરીથી ગૃહની કાર્યવાહી શરૂ થશે. પ્રશ્નોત્તરી દરમિયાન જળસંપતિ અને પાણી પુરવઠા વિભાગ, મહિલા અને બાળ વિકાસ વિભાગ તેમજ સામાન્ય વહીવટ વિભાગ સંબંધિત પ્રશ્નો પર ચર્ચા હાથ ધરાશે. ત્યારબાદ બિનસરકારી સભ્યોના કામકાજ માટેની સમિતિનો નવમો અહેવાલ ગૃહમાં રજૂ કરવામાં આવશે. આવતીકાલે ગૃહમાં કુલ બે સરકારી વિધેયકો રજૂ થવાના છે, જેમાં ગુજરાત દુકાન અને સંસ્થા (રોજગાર નિયમન અને સેવાની શરતો) સુધારા વિધેયક અને સૌરાષ્ટ્ર ઘરખેડ, ગણોત વહીવટ પતાવટ અને ખેતીની જમીન (ગુજરાત સુધારા) વિધેયક પર ચર્ચા કરવામાં આવશે.
ના અધ્યક્ષ તરીકે તેમણે તાજેતરની){kind=link}