બાંગ્લાદેશમાં ધાર્મિક લઘુમતીઓ, ખાસ કરીને હિંદુઓની સુરક્ષાને લઈને પ્રશ્નો ઉભા થયા છે. શાહ પોરાન દરગાહ પરની ઘટના સહિત ધાર્મિક સ્થળો પર તાજેતરમાં થયેલા હુમલા વિશે પૂછવામાં આવતા લેફ્ટનન્ટ જનરલ ચૌધરીએ કહ્યું કે શાહ પોરાન દરગાહ પર થયેલા હુમલા વિશે મને કંઈ ખબર નથી.
બાંગ્લાદેશમાં શેખ હસીનાની સરકાર હટાવ્યા બાદ હિન્દુઓની હાલત કફોડી બની છે. પહેલા તેમના પર હુમલો કરવામાં આવ્યો અને હવે તેમને ધાર્મિક સ્તર પર પણ નિશાન બનાવવામાં આવી રહ્યા છે. મોહમ્મદ યુનુસની સરકાર હિંદુઓ વિરુદ્ધ સતત પગલાં લઈ રહી છે. હવે વધુ એક નવો આદેશ જારી કરવામાં આવ્યો છે. બાંગ્લાદેશના ગૃહ બાબતોના સલાહકારે કહ્યું કે સ્થાનિક પૂજા સમિતિઓને અઝાન અને નમાઝ દરમિયાન લાઉડસ્પીકર વગાડવાનું ટાળવા માટે કહેવામાં આવ્યું છે.
મીડિયા રિપોર્ટ્સમાં કહેવામાં આવ્યું છે કે મુહમ્મદ યુનુસની આગેવાની હેઠળની બાંગ્લાદેશની નવી વચગાળાની સરકારે હિન્દુ સમુદાયને નમાઝ અને અઝાન દરમિયાન દુર્ગા પૂજાની ઉજવણીમાં લાઉડસ્પીકર વગાડવાનું ટાળવા કહ્યું છે.
આ પણ વાંચો: ચંદ્રસિંહજી ભાડવા સ્ટડી સર્કલનો 50મો વિદ્યા સત્કાર…
પૂજા સમિતિઓને સૂચનાઓ અપાઈ
બાંગ્લાદેશના ગૃહ બાબતોના સલાહકાર લેફ્ટનન્ટ જનરલ (નિવૃત્ત) એમડી જહાંગીર આલમ ચૌધરીએ મંગળવારે જણાવ્યું હતું કે પૂજા સમિતિઓને લાઉડસ્પીકર બંધ કરવા અને અઝાન અને નમાઝ દરમિયાન સંગીતનાં સાધનો વગાડવાનું ટાળવા માટે કહેવામાં આવ્યું છે. તેમણે કહ્યું કે આયોજકો વિનંતી માટે સંમત થયા છે.
32 હજારથી વધુ પૂજા પંડાલની સ્થાપના
મીડિયા સાથે વાત કરતા ચૌધરીએ કહ્યું કે આ વર્ષે સમગ્ર બાંગ્લાદેશમાં કુલ 32 હજાર 666 પૂજા પંડાલની સ્થાપના કરવામાં આવશે, જે ગયા વર્ષની 33 હજાર 431ની સંખ્યા કરતાં ઓછી છે. બાંગ્લાદેશના સ્વાતંત્ર્ય સેનાનીઓના વંશજો માટે શિક્ષણ અને નોકરીઓમાં ક્વોટા સામે વિદ્યાર્થીઓના વિરોધ અને ભૂતપૂર્વ વડા પ્રધાન શેખ હસીનાની હકાલપટ્ટી બાદ દેશમાં લઘુમતી હિન્દુ સમુદાય પરના હુમલાઓ પછી સરકારનો નિર્દેશ આવ્યો છે.
હિંદુઓની સુરક્ષાને લઈને સવાલો ઉભા થયા છે
ત્યારથી, બાંગ્લાદેશમાં ધાર્મિક લઘુમતીઓ, ખાસ કરીને હિંદુઓની સુરક્ષાને લઈને પ્રશ્નો ઉભા થયા છે. શાહ પોરાન દરગાહ ખાતેની ઘટના સહિત ધાર્મિક સ્થળો પર તાજેતરમાં થયેલા હુમલા વિશે પૂછવામાં આવતા લેફ્ટનન્ટ જનરલ ચૌધરીએ કહ્યું કે શાહ પોરાન દરગાહ પર થયેલા હુમલા અંગે મને કંઈ ખબર નથી. જોકે, સુરક્ષા સુનિશ્ચિત કરવાની જવાબદારી મારી છે જેથી કરીને કોઈ હુમલો ન થાય. આ અંગે કાયદા અમલીકરણ અધિકારીઓને સૂચનાઓ આપવામાં આવી છે.
