મુસ્તફા ખામેની તેમના ભાઈ મોજતબા કરતા પાંચ વર્ષ મોટા છે. મુસ્તફા ઈરાની રાજકારણમાં પણ સક્રિય છે. જોકે, તેમને બાજુ પર રાખવામાં આવ્યા છે અને મોજતબા હુસૈન ખામેની ઈરાનના ત્રીજા સુપ્રીમ લીડર તરીકે ચૂંટાયા છે. પ્રશ્ન એ ઊભો થાય છે: શા માટે?
રસપ્રદ વાત એ છે કે, ખામેની પરિવારના સૌથી મોટા મુસ્તફા ખામેનીનું નામ ચર્ચાને લાયક પણ માનવામાં આવ્યું નથી. મોજતબાની જેમ, મુસ્તફા પણ ઈરાની રાજકારણમાં સક્રિય છે. ઇસ્લામિક દેશોમાં, શાસકનો ઉત્તરાધિકારી સામાન્ય રીતે તેનો મોટો પુત્ર હોય છે. આનાથી પ્રશ્નો ઉભા થાય છે કે મુસ્તફાને બદલે મોજતબાને ખામેનીના ઉત્તરાધિકારી તરીકે કેમ પસંદ કરવામાં આવ્યા.
કોણ છે મુજતબા હુસૈન ખમેની?
મુજતબાનો જન્મ ૧૯૬૯ માં થયો હતો, તે સમયે જ્યારે આયાતુલ્લાહ અલી ખામેની ઇસ્લામિક ક્રાંતિનું નેતૃત્વ કરી રહ્યા હતા. મુજતબાએ તેમનું પ્રારંભિક શિક્ષણ ઈરાનના મશહદમાં એક મદરેસામાં મેળવ્યું હતું. ૧૭ વર્ષની ઉંમરે, મુજતબા સેનામાં જોડાયા, જ્યાં તેમણે ઇરાક યુદ્ધમાં લડ્યા. ઇરાક યુદ્ધ દરમિયાન મુજતબાનો એક વીડિયો સોશિયલ મીડિયા પર વાયરલ થઈ રહ્યો છે.
