રાજસ્થાન રોયલ્સના વિસ્ફોટક બેટ્સમેન વૈભવ સૂર્યવંશીએ ઇન્ડિયન પ્રીમિયર લીગ 2025 માં પોતાની તોફાની બેટિંગથી બધાને આશ્ચર્યચકિત કરી દીધા હતા. આ 14 વર્ષના ખેલાડીએ આ સિઝનમાં તોફાની સદી ફટકારી હતી. આ દરમિયાન તેણે વિશ્વના શ્રેષ્ઠ બોલરોને પણ પછાડી દીધા હતા.
પોતાની વિસ્ફોટક બેટિંગથી દુનિયાભરમાં ખ્યાતિ મેળવી રહેલા વૈભવ સૂર્યવંશી હાલમાં ઇંગ્લેન્ડમાં છગ્ગાનો વરસાદ કરી રહ્યા છે. તે ભારતની અંડર-19 ટીમનો ભાગ છે, જે ઇંગ્લેન્ડ સામે ODI શ્રેણી રમી રહી છે. ટીમ ઇન્ડિયા આ પાંચ મેચની શ્રેણીમાં 2-1થી આગળ છે. ત્રણેય મેચમાં વૈભવ સૂર્યવંશીએ વિસ્ફોટક બેટિંગ કરી અને 200 થી વધુના સ્ટ્રાઇક રેટથી રન બનાવ્યા. આ દરમિયાન, તેણે અત્યાર સુધીમાં 17 છગ્ગા ફટકાર્યા છે. આ પહેલા, તેણે ઇન્ડિયન પ્રીમિયર લીગ (IPL) 2025 માં પણ પોતાની બેટિંગથી બોલરોમાં ડર પેદા કર્યો હતો. ભૂતપૂર્વ ક્રિકેટર શિખર ધવને તેના આક્રમક વલણની પ્રશંસા કરી છે, પરંતુ તે જ સમયે તેણે તેને આગામી સીઝન માટે ચેતવણી પણ આપી છે.
એક ઇન્ટરવ્યુ દરમિયાન, ટીમ ઇન્ડિયાના ભૂતપૂર્વ ઓપનર શિખર ધવને વૈભવ સૂર્યવંશીની પ્રશંસા કરી. તેમણે કહ્યું, “તેની ઉંમર હાલમાં કેટલી છે, ૧૩-૧૪? આ ઉંમરે IPL રમવું એ મોટી વાત છે. જ્યારે હું મોટા શોટ મારતી વખતે તેનો આત્મવિશ્વાસ જોઉં છું, ત્યારે મને ખૂબ જ આશ્ચર્ય થાય છે”.
