ઓપરેશન સિંદૂર દરમિયાન, ભારતે સીધી રીતે માત્ર પાકિસ્તાનને જ ઘૂળ ચાટતું કર્યું છે પરંતુ આપણે પાકિસ્તાન તેમજ ચીન સામે પણ લડાઈ લડી હતી. લેફ્ટનન્ટ જનરલ રાહુલ આર સિંહે આ અભિયાનમાં વાયુ સંરક્ષણની મહત્વપૂર્ણ ભૂમિકા પર પ્રકાશ પાડ્યો અને ભવિષ્ય માટે વધુ સારી તૈયારીઓની જરૂરિયાત પર ભાર મૂક્યો. તેમણે આપણા પડોશી દેશ પૈકી, ચીન ઉપર પાકિસ્તાનની નિર્ભરતા અને ચીન દ્વારા પાકિસ્તાનને લશ્કરી માહિતી પૂરી પાડવા અંગે પણ ચિંતા વ્યક્ત કરી હતી.
ઓપરેશન સિંદૂર દરમિયાન, ભારત માત્ર પાકિસ્તાન સામે જ લડી રહ્યું ન હતું, પરંતુ ક્યાંક ચીન સાથે પણ સંઘર્ષમાં હતું. આ સંદર્ભમાં, ડેપ્યુટી આર્મી ચીફ (ક્ષમતા વિકાસ અને જાળવણી) લેફ્ટનન્ટ જનરલ રાહુલ આર સિંહનું એક મોટું નિવેદન સામે આવ્યું છે. તેમણે કહ્યું કે સમગ્ર ઓપરેશન સિંદૂર અભિયાન દરમિયાન વાયુ સંરક્ષણ અને તેનું સંચાલન મહત્વપૂર્ણ હતું. આ વખતે, આપણા વસ્તી કેન્દ્રો પર પૂરતું ધ્યાન આપવામાં આવ્યું ના હતું, પરંતુ આગલી વખતે આપણે તેના માટે તૈયાર રહેવું પડશે. આપણી સામે એક સરહદ અને બે વિરોધીઓ હતા, ખરેખર તો ત્રણ વિરોધીઓ. પાકિસ્તાન ફ્રન્ટ લાઇન પર હતું અને ચીન શક્ય તેટલી મદદ પૂરી પાડી રહ્યું હતું.
