ભારત-ચીન સરહદ પર બંને દેશોના સૈનિકો પીછેહઠ કરી ચૂક્યા છે. દેપસાંગ અને ડેમચોકમાં ડિસએન્ગેજમેન્ટનું કામ પૂર્ણ થયું છે. દિવાળીના અવસર પર બંને દેશોના સૈનિકો (ભારત અને ચીન)એ એક-બીજાને એક સાથે જમાડ્યા છે.
દેપસાંગ અને ડેમચોકમાં ભારત અને ચીન વચ્ચે ડિસએન્ગેજમેન્ટનું કામ પૂર્ણ થયું છે. ભારત-ચીન સરહદ પર બંને દેશોના સૈનિકો પીછેહઠ કરી ચૂક્યા છે. આજથી કે આવતીકાલથી બંને દેશોની સેના અહીં પેટ્રોલિંગ શરૂ કરી દેશે. આ સાથે જ આજે દિવાળીના અવસર પર બંને દેશો (ભારત અને ચીન)ના સૈનિકોએ એક-બીજાને જમાડ્યા છે. તાજેતરમાં જ ભારત અને ચીન વચ્ચે દેપસાંગ અને ડેમચોકથી ડિસએન્ગેજમેન્ટ પર સહમતિ સધાઈ હતી.
આ મીઠાઈઓ માત્ર પૂર્વી લદ્દાખના દેપસાંગ અને ડેમચોકમાં જ નહીં પરંતુ અન્ય સ્થળોએ પણ વહેંચવામાં આવી છે. જે જગ્યાઓ પર મીઠાઇ વહેંચવામાં આવી છે તેમાં લદ્દાખમાં ચુશુલ મોલ્ડો, સિક્કિમના નાથુ લા, અરુણાચલના બુમલા અને અન્ય ઘણા સ્થળોનો સમાવેશ થાય છે. સેનાના સૂત્રોએ જણાવ્યું હતું કે પાંચ બીએમપી પોઇન્ટ પર મીઠાઈની આપ-લે કરવામાં આવી હતી.
ડેમચોક-દેપસાંગમાંથી ચીન-ભારતના સૈનિકો ખસી ગયા
સેનાના સૂત્રોએ જણાવ્યું હતું કે બુધવારે દેપસાંગ અને ડેમચોકમાં ડિસએન્ગેજમેન્ટનું કામ પૂર્ણ થયું હતું. આ પછી, પેટ્રોલિંગ અંગે સ્થાનિક કમાન્ડર સ્તરની વાતચીત થઈ હતી. સંભવતઃ આજથી અથવા આવતીકાલથી બંને દેશોની સેનાઓ દેપસાંગ અને ડેમચોક વિસ્તારમાં પેટ્રોલિંગ શરૂ કરી દેશે. છેલ્લા સાડા ચાર વર્ષથી તણાવના કારણે અહીં પેટ્રોલિંગ બંધ હતું. હાલમાં જ આ અંગે બંને દેશો વચ્ચે સમજૂતી થઈ હતી. આ કરાર ફક્ત ડેમચોક અને દેપસાંગ માટે છે. અન્ય ક્ષેત્રો માટે વાટાઘાટો હજી પણ ચાલુ છે.
ખરેખર, ભારત અને ચીન વિશ્વની સૌથી લાંબી અને વિવાદિત સરહદ ધરાવે છે, જેને વાસ્તવિક નિયંત્રણ રેખા એટલે કે એલએસી કહેવામાં આવે છે. આ 3488 કિમી લાંબી સરહદ છે, જે ભારત અને ચીનની સીમાને પૂર્વ, મધ્ય અને પશ્ચિમ એમ ત્રણ સેક્ટરમાં વિભાજિત કરે છે. તે એટલી લાંબી લાઇન છે કે ભારત અને ચીન લદ્દાખથી લઈને અરુણાચલ સુધીના ઘણા ભાગોમાં તેમના અલગ અલગ દાવા કરે છે અને તેના કારણે ટકરાવની સ્થિતિ વધે છે. પરંતુ સમજૂતી બાદ દેપસાંગ અને ડેમચોકમાં બંને દેશોની સેનાએ પીછેહઠ કરી છે.
એ એક-બીજાને એક સાથે જમાડ્યા છે.){kind=link}