નવી દિલ્હી : ભારતીય મૂળના સુનીતા વિલિયમ્સ અને તેમના પાર્ટનર બૂચ વિલ્મોર ગુરુવારે સુરક્ષિત રીતે અવકાશમાં પહોંચી ગયા હતા. આ દરમિયાન વિલિયમ્સ ખુશીથી ઝૂમી ઉઠ્યા હતા. આનો એક વીડિયો વાયરલ થઈ રહ્યો છે.
તમને જણાવી દઈએ કે, સ્પેસક્રાફ્ટ સામાન્ય રીતે ઓટો હોય છે, પરંતુ લગભગ બે કલાકની ઓટો ફ્લાઇટ દરમિયાન ક્રૂએ સ્પેસક્રાફ્ટને જાતે કંટ્રોલ કરી લીધો હતો. તેઓએ સ્ટારલાઈનરને પૃથ્વી તરફ નિર્દેશ કર્યો જેથી સર્વિસ મોડ્યુલની પાછળના તેના સંચાર એન્ટેના ટ્રેકિંગ અને ડેટા રિલે ઉપગ્રહો તરફ નિર્દેશ કરી શકે. પછી તેઓએ અવકાશયાનને એવી રીતે ફેરવ્યું કે તે સૂર્યનો સામનો કરે છે જેથી જો જરૂર હોય તો તેઓ આંતરિક બેટરીઓને ચાર્જ કરી શકે. આ સમગ્ર કવાયતનો હેતુ એ બતાવવાનો હતો કે ત્રણેય ફ્લાઈટ કોમ્પ્યુટરો એક જ સમયે બંધ થઈ જાય તો અવકાશમાં કાર્ય કરી શકે છે.
વિલિયમ્સ અગાઉ ભગવાન ગણેશની મૂર્તિ અને ભગવદ ગીતાને અવકાશમાં લઈ ગયા છે. હવે આ તેની ત્રીજી અવકાશ યાત્રા છે. જ્યારે તે સ્પેસ સ્ટેશન પર પહોંચી ત્યારે તે ખાસ અંદાજમાં જોવા મળી હતી. તે અવકાશમાં પહોંચતાની સાથે જ આનંદથી કૂદતી જોવા મળી હતી. આ સમય દરમિયાન તેણે ISS પર સવાર અન્ય સાત અવકાશયાત્રીઓને ગળે લગાવ્યા હતા. વિલિયમ્સ અને વિલ્મોરને ઘંટ વગાડીને આવકારવામાં આવ્યા હતા, જે લાંબા સમયથી ચાલતી ISS પરંપરા છે.
