યુક્રેન હાલ આર્થિક સંકટનો સામનો કરી રહ્યું છે, જેના કારણે એ વાત સામે આવી છે કે દેશ પોતાના સૈનિકોને સપ્ટેમ્બરનો પગાર પણ આપવા માટે અન્ય દેશોની મદદ માંગી રહ્યો છે. યુક્રેનને સૈનિકોને ચૂકવણી કરવા, તેમની સારવાર, ગણવેશ અને અન્ય જરૂરિયાતો ચૂકવવા માટે લગભગ 60 અબજ ડોલરની જરૂર છે.
આર્થિક સંકટને કારણે યુક્રેનને પોતાના સૈનિકોને પગાર ચૂકવવામાં મુશ્કેલીઓનો સામનો કરવો પડી રહ્યો છે. જ્યારથી રશિયા સાથે યુદ્ધ શરૂ થયું છે ત્યારથી યુક્રેન તેના સંરક્ષણ પાછળ મોટા ભાગનાં નાણાં ખર્ચી રહ્યું છે. યુક્રેનનું સંરક્ષણ બજેટ લગભગ 50 અબજ ડોલરનું છે, પરંતુ વર્ષ પુરું થાય તે પહેલાં જ તિજોરી ખાલી થઈ ચૂકી છે.
આ પણ વાંચો: ગણેશ ચતુર્થીના દિવસે જરૂર વાંચો આ વ્રત કથા, દૂર થશે તમામ અવરોધો!
યુક્રેન પર આર્થિક સંકટ
યુક્રેનને સૈનિકોને ચૂકવણી કરવા, તેમની સારવાર, ગણવેશ અને અન્ય જરૂરિયાતો ચૂકવવા માટે લગભગ 60 અબજ ડોલરની જરૂર છે. સંરક્ષણ પ્રધાન રુસ્તમ ઉમિરોવે પણ સંરક્ષણ ક્ષેત્રનો સામનો કરી રહેલા આર્થિક સંકટ અંગે રાષ્ટ્રપતિ ઝેલેન્સ્કી સામે નારાજગી વ્યક્ત કરી છે.
યુક્રેન આર્થિક સંકટનો સામનો કરી રહ્યું છે, ત્યારે દેશના રાષ્ટ્રપતિ ઝેલેન્સ્કીએ અમેરિકા પાસે મદદ માંગી છે. વાસ્તવમાં શુક્રવારે જર્મનીના રામસ્ટિન બેઝ પર યૂક્રેન ડિફેન્સ કોન્ટેક્ટ ગ્રુપની બેઠક મળી હતી, જેમાં યુક્રેન, અમેરિકા સહિત ઘણા દેશોએ ભાગ લીધો હતો.
આ બેઠકમાં યુક્રેનના રાષ્ટ્રપતિ ઝેલેન્સ્કી અને અમેરિકાના સંરક્ષણ મંત્રી લોઇડ ઓસ્ટિન મળ્યા હતા. સંરક્ષણ પ્રધાન લોઇડ ઓસ્ટિને કહ્યું કે અમેરિકા યુક્રેનને સુરક્ષા સહાય માટે 250 મિલિયન ડોલર આપશે. સાથે જ ઝેલેન્સ્કીની હથિયારોની માંગને કેનેડાથી સમર્થન મળ્યું છે.
