તાજેતરમાં, રાજસ્થાન રોયલ્સના કેપ્ટન સંજુ સેમસન અને કોચ રાહુલ દ્રવિડ વચ્ચે ખટાશના અહેવાલો સામે આવ્યા હતા. છેલ્લી મેચમાં ટીમ હડલમાં પણ બંને સાથે જોવા મળ્યા ન હતા. આવી સ્થિતિમાં હવે દ્રવિડે આ મુદ્દે મોટું નિવેદન આપ્યું છે.
IPL 2025 દરમિયાન રાજસ્થાન રોયલ્સના કેપ્ટન સંજુ સેમસન અને કોચ રાહુલ દ્રવિડ સમાચારમાં રહે છે. વાસ્તવમાં, તાજેતરમાં કેટલાક અહેવાલોમાં દાવો કરવામાં આવ્યો હતો કે સંજુ સેમસન અને રાહુલ દ્રવિડ વચ્ચેના સંબંધોમાં ખટાશ આવી ગઈ છે. આ બંને વચ્ચે બધુ બરાબર નથી, જે ટીમની રમત પર પણ અસર કરી રહ્યું છે. IPL 2025 માં, રાજસ્થાન રોયલ્સની ટીમ અત્યાર સુધીમાં 7 માંથી 5 મેચ હારી ગઈ છે. આવી સ્થિતિમાં, હવે ટીમના મુખ્ય કોચે આ મુદ્દે પોતાનું મૌન તોડ્યું છે અને બધું સ્પષ્ટ કર્યું છે.
તાજેતરમાં સોશિયલ મીડિયા પર એક વીડિયો વાયરલ થયો છે. જે દિલ્હી કેપિટલ્સ સામે રમાયેલી સુપર ઓવર દરમિયાન હતું. ત્યારે સંજુ સેમસન ટીમ હડલમાંથી ગાયબ હતા અને કોચ રાહુલ દ્રવિડ સપોર્ટ સ્ટાફ અને ખેલાડીઓ સાથે રણનીતિ બનાવી રહ્યા હતા. આ દરમિયાન એક ખેલાડીએ સંજુને હડલ તરફ બોલાવવાનો પ્રયાસ પણ કર્યો, પરંતુ તે હાથથી ઈશારો કરતો જોવા મળ્યો. જે પછી લડાઈના સમાચારે વધુ વેગ પકડ્યો. પરંતુ દ્રવિડે સંજુ સેમસન સાથેના અણબનાવની વાતોને સંપૂર્ણપણે નકારી કાઢી.
