ભોટેકોશી પુલ નેપાળ અને ચીનને જોડે છે. ભોટેકોશીથી તિબેટનું અંતર 12 કિમી છે. નેપાળ અને ચીન વચ્ચેનો આ પુલ ખૂબ જ મહત્વપૂર્ણ માનવામાં આવે છે. હવે જ્યારે ચીને પૂરનું પાણી છોડ્યું ત્યારે આ પુલ ધોવાઈ ગયો. પુલ ધોવાઈ જવાથી ચીનનો નેપાળ સાથેનો સીધો સંપર્ક કપાઈ ગયો છે
નેપાળમાં અચાનક આવેલા પૂરથી ચીનની ચિંતા વધી ગઈ છે. હવામાન વિભાગના જણાવ્યા અનુસાર, તિબેટની ભોટેકોશી નદીમાં પૂરનું પાણી લાલ રેખા પાર કરી ગયું છે, જેના કારણે નેપાળનો નીચલો વિસ્તાર સંપૂર્ણપણે ડૂબી ગયો છે. નેપાળમાં આવેલા આ પૂરમાં, ચીનનો પુલ, જે તેણે મૈત્રી યોજના હેઠળ બનાવ્યો હતો, તે પણ ધોવાઈ ગયો છે. પુલ તૂટી પડવાથી, ચીન અને નેપાળ વચ્ચેનો સીધો સંપર્ક કપાઈ ગયો છે.
નેપાળના અધિકારીઓના જણાવ્યા અનુસાર, પૂરમાં 18 લોકો ગુમ થયા છે. તેમાં કેટલાક નેપાળ પોલીસ અધિકારીઓ પણ સામેલ છે. નેપાળ સરકારે બચાવ કામગીરી શરૂ કરી છે. લોકોને રાહત પહોંચાડવા માટે સેનાનું હેલિકોપ્ટર બોલાવવામાં આવ્યું છે.ડિઝાસ્ટર વિભાગના જણાવ્યા અનુસાર, અચાનક આવેલા પૂરને કારણે રસ્તા પરના બધા વાહનો પાણીમાં તણાઈ ગયા હતા. ચીનથી માલ લાવવા માટે નેપાળ સરહદ પર ટ્રકો અને નવી EV પાર્ક કરવામાં આવી હતી. પૂરને કારણે ભોટેકોશીનો પાવર પ્લાન્ટ પણ બંધ કરી દેવામાં આવ્યો છે.
