ઘાનાની રાજધાની અકરામાં એક કાર્યક્રમ દરમિયાન, રાષ્ટ્રપતિ મહામાએ વડા પ્રધાન નરેન્દ્ર મોદીને ઘાનાના સર્વોચ્ચ નાગરિક સન્માન ‘ધ ઓફિસર ઓફ ધ ઓર્ડર ઓફ ધ સ્ટાર ઓફ ઘાના’ થી સન્માનિત કર્યા. પીએમ મોદીએ આ સન્માન ભારતના નાગરિકોને સમર્પિત કર્યું અને આ સન્માન માટે ઘાનાનો આભાર પણ માન્યો.
પ્રધાનમંત્રી મોદી બુધવારે બે દિવસની મુલાકાતે ઘાના પહોંચ્યા હતા, જ્યાં ઘાનાના રાષ્ટ્રપતિ જોન ડ્રામાની મહામાએ એરપોર્ટ પર પીએમ મોદીનું ઉષ્માભર્યું સ્વાગત કર્યું હતું. આ પ્રધાનમંત્રી મોદીની ઘાનાની પહેલી મુલાકાત છે. ત્રણ દાયકામાં પહેલી વાર કોઈ ભારતીય પ્રધાનમંત્રી ઘાનાની મુલાકાતે આવ્યા છે. પીએમ મોદીનું ભવ્ય સ્વાગત કરવામાં આવ્યું હતું. તેમને ગાર્ડ ઓફ ઓનર સાથે 21 તોપોની સલામી આપવામાં આવી હતી. પીએમ મોદીને ઘાનામાં ‘ધ ઓફિસર ઓફ ધ ઓર્ડર ઓફ ધ સ્ટાર ઓફ ઘાના’થી પણ સન્માનિત કરવામાં આવ્યા હતા.
‘ધ ઓફિસર ઓફ ધ ઓર્ડર ઓફ ધ સ્ટાર ઓફ ઘાના’ થી સન્માનિત થવા પર, પ્રધાનમંત્રી મોદીએ કહ્યું, ‘ઘાનાના સર્વોચ્ચ સન્માનથી સન્માનિત થવું મારા માટે ખૂબ જ ગર્વ અને સન્માનની વાત છે. હું રાષ્ટ્રપતિ મહામા, ઘાના સરકાર અને ઘાનાના લોકોનો ખૂબ ખૂબ આભાર માનું છું. હું ૧.૪ અબજ ભારતીયો વતી આ સન્માન નમ્રતાપૂર્વક સ્વીકારું છું. હું આ પુરસ્કાર આપણા યુવાનોની આકાંક્ષાઓ, તેમના ઉજ્જવળ ભવિષ્ય, આપણી સમૃદ્ધ સાંસ્કૃતિક વિવિધતા અને પરંપરાઓ અને ભારત અને ઘાના વચ્ચેના ઐતિહાસિક સંબંધોને સમર્પિત કરું છું.’
