વડાપ્રધાન નરેન્દ્ર મોદી ન્યૂયોર્ક પહોંચી ગયા છે. અહીં તમને દેશ અને દુનિયાના દરેક બ્રેકિંગ ન્યૂઝ મળે છે.
દિલ્હીમાં શીખોની હત્યા કોણે કરી, રાહુલે માફી માંગવી જોઈએઃ અમિત શાહ
હરિયાણાના ટોહાનામાં પરિવર્તન સભાને સંબોધિત કરતા કેન્દ્રીય ગૃહ અને સહયોગ મંત્રી અમિત શાહે કહ્યું કે શીખ ધર્મનું અપમાન કરવાની વાત હોય કે મનમોહન સિંહનું અપમાન કરવાની વાત હોય, આ બધુ કોંગ્રેસે આપ્યું છે. દિલ્હીની સડકો પર શીખોની કોણે કરી હત્યા? રાહુલ ગાંધીએ શીખોની માફી માંગવી જોઈએ.
કચ્છમાં ફરી નોંધાયો ભૂકંપનો આંચકોકચ્છમાં ફરી ભૂકંપનો આંચકો નોંધાયો છે. રાપરથી 12 કિમી દૂર તેનું કેન્દ્રબિંદુ હોવાનું સામે આવ્યુ છે. રિક્ટર સ્કેલ પર ભૂકંપની તીવ્રતા 3.3 ની નોંધાઇ છે. આજે સવારે 10.05 મિનિટે ભૂકંપ અનુભવાયો હતો.
આ પણ વાંચો: નરેન્દ્ર મોદી કી કહાની આઝાદ સંદેશ કી જુબાની
કેજરીવાલની ખુરશી ખાલી રાખવા બદલ કોંગ્રેસે ‘આપ’ પર કર્યો પ્રહાર
દિલ્હી કોંગ્રેસ અધ્યક્ષ દેવેન્દ્ર યાદવે પણ પૂર્વ મુખ્યમંત્રી અરવિંદ કેજરીવાલની ખુરશી મુખ્યમંત્રી કાર્યાલયમાં લગાવવા પર વાંધો ઉઠાવ્યો છે. “ભ્રષ્ટાચારના કેસમાં જેલમાં બંધ વ્યક્તિની ભગવાન રામ સાથે તુલના કરવી ખૂબ જ વાંધાજનક છે.
ચાઇલ્ડ પોર્નોગ્રાફી ડાઉનલોડ કરવી કે જોવી ગુનો: સુપ્રીમ કોર્ટ
મદ્રાસ હાઈકોર્ટના નિર્ણયને પડકારતી અરજી પર સુપ્રીમ કોર્ટે પોતાનો ચુકાદો આપ્યો છે. સર્વોચ્ચ અદાલતે મદ્રાસ હાઈકોર્ટના નિર્ણયને રદ કર્યો છે. તેમાં જણાવાયું છે કે ચાઇલ્ડ પોર્નોગ્રાફી ડાઉનલોડ કરવી અથવા જોવી એ ગુનો છે.
રાજકોટ: ભાજપ બક્ષી પંચ મોરચાના પ્રમુખનું દારૂના કેસમાં ખુલ્યું નામ
રાજકોટ: ભાજપ બક્ષી પંચ મોરચાના પ્રમુખનું દારૂના કેસમાં નામ ખુલ્યું. શહેરના વોર્ડ નં-૧૪ના ભાજપ બક્ષી પંચના પ્રમુખનું નામ ખુલતા ચકચાર મચી છે. દારૂના કેસમાં જયદીપ દેવડાનું નામ સામે આવ્યું છે. ગોપાલ નગર-9માં ભક્તિનગર પોલીસે બાતમી આધારે રેડ પાડી હતી. રેડ દરમિયાન પોલીસે પ્રિયાંક લોખીલ, મિત દેવડા નામના શખ્સોને ઝડપ્યા હતા. 54 બોટલ દારૂ અને 24 ટીન બિયર મળી આવ્યા હતા.
