હોર્મુઝ વિસ્તારમાં કબજે કરાયેલા ઈરાની જહાજ મામલે તણાવ વધી રહ્યો છે. આ જહાજ અંગે અમેરિકાએ મોટો દાવો કર્યો છે કે તેમાં મિસાઈલ બનાવવા માટે ઉપયોગમાં લેવાતા કેમિકલ્સ હતા. સંયુક્ત રાષ્ટ્રમાં અમેરિકાના પૂર્વ રાજદૂત નિકી હેલીએ પણ જણાવ્યું કે આ જહાજ ચીનથી ઈરાન તરફ જઈ રહ્યું હતું અને તેમાં જોખમી કેમિકલ ભરાયેલું હતું. સાથે જ ચીન ઈરાનની સત્તાને મજબૂત કરવા માટે મદદ કરી રહ્યું હોવાનો આરોપ લગાવવામાં આવ્યો છે, જેને કારણે આંતરરાષ્ટ્રીય સ્તરે ચિંતા વધી રહી છે.
કાલે ઇસ્લામાબાદમાં અમેરિકા-ઈરાન વાટાઘાટો યોજાશે
સમાચાર એજન્સી એક્સિઓસે મહત્વપૂર્ણ સમાચાર જાહેર કર્યા છે. કાલે ઇસ્લામાબાદમાં અમેરિકા-ઈરાન વાટાઘાટો યોજાશે. મોજતબા ખામેનીની અમેરિકા સાથેની વાટાઘાટોને લીલીઝંડી આપવામાં આવી છે.
રાજ્યમાં 26 એપ્રિલે હીટવેવની આગાહી
રાજ્યમાં 26 એપ્રિલે હીટવેવની આગાહી કરવામાં આવી છે અને એ જ દિવસે સ્થાનિક સ્વરાજ્યની ચૂંટણીનું મતદાન યોજાનાર છે, જેના કારણે મતદારોને ભારે ગરમીનો સામનો કરવો પડી શકે છે. ખાસ કરીને અમદાવાદમાં તાપમાન 44 ડિગ્રી સુધી પહોંચી શકે તેવી શક્યતા વ્યક્ત કરવામાં આવી છે. હવામાન વિભાગે 25થી 27 એપ્રિલ દરમિયાન યલો એલર્ટ જાહેર કર્યું છે. દક્ષિણ-પશ્ચિમ રાજસ્થાન પર સર્જાયેલી સાયક્લોનિક સર્ક્યુલેશનના કારણે આ ગરમીની અસર વધુ તીવ્ર બની શકે છે, જેને ધ્યાનમાં રાખીને લોકો અને તંત્રને જરૂરી સાવચેતીઓ રાખવા સૂચના આપવામાં આવી છે.
