પ્રધાનમંત્રી નરેન્દ્ર મોદીએ આજે નાતાલના અવસરે દિલ્હીના કેથેડ્રલ ચર્ચની મુલાકાત લીધી હતી. તેમણે ત્યાં પ્રાર્થના સેવામાં પણ હાજરી આપી હતી. આ કેથેડ્રલ માત્ર સૌથી જૂના ચર્ચોમાંનું એક નથી પણ દિલ્હીનું સૌથી મોટું ચર્ચ પણ છે, જે દિલ્હીમાં ગોલ ડાક ખાના પાસે આવેલું છે.
પીએમ મોદીએ સોશિયલ મીડિયા પર ચર્ચના ફોટા પોસ્ટ કર્યા અને લખ્યું, “દિલ્હીના કેથેડ્રલ ચર્ચ ઓફ ધ રિડેમ્પશનમાં ક્રિસમસની સવારની પ્રાર્થનામાં હાજરી આપી. આ પ્રાર્થના પ્રેમ, શાંતિ અને કરુણાના શાશ્વત સંદેશને પ્રતિબિંબિત કરે છે. મને આશા છે કે ક્રિસમસની ભાવના આપણા સમાજમાં સંવાદિતા અને ભાઈચારો લાવશે.”
