પહેલા દિવસે દક્ષિણ આફ્રિકાની ઇનિંગની 13મી ઓવર દરમિયાન આ ઘટના બની હતી . ઓવરના છેલ્લા બોલે બુમરાહે બાવુમાને આશ્ચર્યચકિત કરી દીધો. બોલ બાવુમાના પેડની ઉપરની બાજુએ વાગ્યો. એલબીડબ્લ્યુ માટે જોરદાર અપીલ કરવામાં આવી, જેને અમ્પાયરે ફગાવી દીધી. જ્યારે ભારતીય ખેલાડીઓ અમ્પાયરના નિર્ણયને પડકારવા કે ડીઆરએસ લેવા અંગે ચર્ચા કરી રહ્યા હતા, ત્યારે બુમરાહે બાવુમાને વામન કહેવાની ભૂલ કરી.
ઋષભ પંતે કહ્યું કે બોલની ઊંચાઈ હતી. જવાબમાં બુમરાહે કહ્યું, “તે પણ વામન છે.” પંતે પછી કહ્યું કે તે ઠીક છે, પરંતુ બોલ પેડ પર પણ વાગ્યો હતો. આખરે, DRS લેવાનો વિચાર પડતો મૂકવામાં આવ્યો. બોલ ટ્રેકિંગ પર પાછળથી નજર નાખતાં ખબર પડી કે બોલ લેગ સ્ટમ્પ ઉપર જઈ રહ્યો હતો.
પહેલા સત્રમાં બુમરાહની ઘાતક બોલિંગ
કોલકાતા ટેસ્ટના પહેલા સત્રમાં જસપ્રીત બુમરાહ ઘાતક ફોર્મમાં હતો. તેના પહેલા સ્પેલમાં, તેણે 7 ઓવરમાં 9 રન આપીને 2 વિકેટ લીધી, જેમાં 4 મેડનનો સમાવેશ થાય છે. આ બંને વિકેટ દક્ષિણ આફ્રિકાના ઓપનરોની હતી.
