ભારતીય શેરબજારમાં ટેરિફ ટેન્શન અને કંપનીઓના નબળા પરિણામોની અસર વધુ ઘેરી બની રહી છે. આજે મંગળવારે સતત ચોથા ટ્રેડિંગ સત્રમાં સેન્સેક્સ લાલ નિશાન પર એટલે કે શરૂઆતના ટ્રેડમાં ઘટાડા સાથે ટ્રેડ કરી રહ્યો છે.
શેરબજારમાં ઘટાડાનો ટ્રેન્ડ આજે સતત ચોથા દિવસે પણ ચાલુ રહ્યો છે. મંગળવારે બજાર ખુલતાની સાથે જ બજારનો મુખ્ય સૂચકાંક સેન્સેક્સ ક્રેશ થઈ ગયો. તે જ સમયે, નિફ્ટી 50 માં પણ ઘટાડો જોવા મળી રહ્યો છે. શરૂઆતના બજારમાં, સેન્સેક્સ લગભગ 180 પોઈન્ટ નીચે ટ્રેડ કરી રહ્યો છે, જેના કારણે રોકાણકારોએ છેલ્લા 4 દિવસમાં 13 લાખ કરોડ રૂપિયા ગુમાવ્યા છે
છેલ્લા ત્રણ ટ્રેડિંગ સત્રોથી શેરબજારમાં ઘટાડો જોવા મળી રહ્યો છે. છેલ્લા ટ્રેડિંગ દિવસે એટલે કે સોમવારે, ભારતીય બજારનો મુખ્ય સૂચકાંક સેન્સેક્સ લગભગ 550 પોઈન્ટના ઘટાડા સાથે બંધ થયો. ભારત-અમેરિકા વેપાર વાટાઘાટોની ચિંતા વચ્ચે બજાર તીવ્ર ઘટાડા સાથે બંધ થયું. સેન્સેક્સ 572.07 પોઈન્ટ અથવા 0.70% ઘટીને 80,891.02 પર બંધ થયો, જ્યારે નિફ્ટી 156.10 પોઈન્ટ અથવા 0.63% ઘટીને 24,680.90 પર બંધ થયો.
