નજીકના ગાળામાં બજારનું કોન્સોલિડેશન ચાલુ રહેવાની શક્યતા છે. બજાર માટે સ્પષ્ટ સકારાત્મકતા એ છે કે એફઆઈઆઈ દ્વારા સતત વેચવાલી બંધ થઈ ગઈ છે. આનાથી રિટેલ રોકાણકારોને ફરીથી આક્રમક રીતે ખરીદી શરૂ કરવાનો વિશ્વાસ મળશે. હવે અહીં સવાલ ઉઠી રહ્યો છે કે જો વિદેશી રોકાણકારોની વેચવાલી બંધ થઇ ગઇ છે તો આજે બજારમાં આટલો મોટો ઘટાડો કેમ થયો?
શેરબજારમાં છેલ્લા 4 ટ્રેડિંગ સેશનથી તેજી જોવા મળી રહી હતી. બજારમાં લગભગ 3 ટકાની રિકવરી આવી હતી. હવે અચાનક આજે સેન્સેક્સ અને નિફ્ટીમાં ભારે ઘટાડો જોવા મળ્યો છે. બીએસઈ સેન્સેક્સ સવારે 12 વાગ્યે 760 અંક એટલે કે 0.95% ઘટીને 79,473 પર જ્યારે નિફ્ટી50 192 અંક એટલે કે 0.79% ના ઘટાડા સાથે 24,082 પર કારોબાર કરી રહ્યો છે.
Date: યુદ્ધ ખતમ કરવાની બડાઈ મારનારા ટ્રમ્પે શરૂ કર્યું નવું યુદ્ધ, ચીને કરી ભવિષ્યવાણી
આ ઘટાડો શા માટે?
ભારતીય શેરબજારમાં ઘટાડા પાછળનું એક મોટું કારણ આઈટી શેરોમાં નબળાઈ છે. કારણ કે અમેરિકાના ચૂંટાયેલા પ્રમુખ ડોનાલ્ડ ટ્રમ્પની નીતિઓ અંગે હજુ પણ ચિંતા છે અને અમેરિકામાં વ્યાજના દરમાં ઘટાડો કરવાની અનિશ્ચિતતા ફરી વધી છે. યુએસ ફુગાવાના ડેટા દર્શાવે છે કે ઓક્ટોબરમાં ગ્રાહકોના ખર્ચમાં વધારો થયો છે, જેનાથી એવી ચિંતા વધી છે કે ભવિષ્યમાં વ્યાજના દરમાં કાપની ગતિ અપેક્ષા કરતા ધીમી રહેવાની છે. અમેરિકાના વ્યાજદરમાં ઘટાડામાં આવેલી મંદીની સીધી અસર ખર્ચના વાતાવરણ પર પડશે અને તેની અસર ભારતમાં આઇટી અને ફાર્મા જેવા ક્ષેત્રો પર પણ પડશે, જે અમેરિકાના બજાર સાથે મજબૂત જોડાણ ધરાવે છે. આ અપડેટ બાદ નિફ્ટીના આઈટી ઈન્ડેક્સમાં 2 ટકાથી વધુનો ઘટાડો નોંધાયો છે.
આઈટી શેરો પર સૌથી વધુ અસર
સેન્સેક્સ પેકમાં ઇન્ફોસિસ, ટેક મહિન્દ્રા, એમએન્ડએમ, એચસીએલ ટેક, ટીસીએસ અને પાવર ગ્રિડ ટોપ લુઝર્સ હતા, જેમાં 3 ટકા સુધીનો ઘટાડો નોંધાયો હતો. બીજી તરફ માત્ર એસબીઆઈ, અદાણી પોર્ટ્સ અને ટાટા મોટર્સ જ લીલા નિશાન પર કારોબાર કરી રહ્યા હતા. દરમિયાન, અદાણી જૂથની કંપનીઓના શેરમાં પ્રારંભિક વેપારમાં 9.3 ટકા સુધીનો ઉછાળો આવ્યો હતો, જ્યારે જૂથે સ્પષ્ટતા કરી હતી કે ગયા અઠવાડિયે પ્રોસિક્યુટર્સે તેના મુખ્ય અધિકારીઓ પર યુએસ ફોરેન કરપ્શન પ્રેક્ટિસ એક્ટના ઉલ્લંઘનનો આરોપ મૂક્યો ન હતો.
અદાણી એનર્જી સોલ્યુશન્સ અને અદાણી ટોટલ ગેસ અનુક્રમે 9 ટકા અને 9.3 ટકા વધીને સૌથી વધુ વધ્યા હતા. અદાણી ગ્રીન એનર્જીનો શેર પણ 8.3 ટકા ઊછળીને દિવસના ઊંચામાં રૂ.1,072ના સ્તરે પહોંચ્યો હતો. અદાણી પાવર, અદાણી એન્ટરપ્રાઇઝ, અદાણી વિલ્મર અને અદાણી પોર્ટ્સના શેરમાં 5% સુધીનો ઉછાળો આવ્યો હતો.
