સોમવારે શ્રીનગરના લિડવાસ વિસ્તારમાં સેનાએ ઓપરેશન મહાદેવ શરૂ કર્યું હતું. આ વિસ્તારમાં આતંકવાદીઓ છુપાયા હોવાની માહિતી મળ્યા બાદ સુરક્ષા દળોએ સર્ચ ઓપરેશન શરૂ કર્યું હતું. આ ઓપરેશન હેઠળ સેનાને મોટી સફળતા મળી છે. અત્યાર સુધીમાં 3 આતંકવાદીઓને ઠાર મારવામાં આવ્યા છે.
સોમવારે જમ્મુ અને કાશ્મીરના શ્રીનગરના હરવાનના લિડવાસ વિસ્તારમાં આતંકવાદીઓ સામે ઓપરેશન મહાદેવ ચલાવવામાં આવી રહ્યું છે. આ ઓપરેશન દરમિયાન સુરક્ષા દળો અને આતંકવાદીઓ વચ્ચે એન્કાઉન્ટર થયું હતું. જોકે, સુરક્ષા દળોને મોટી સફળતા મળી છે, ઓપરેશન મહાદેવ હેઠળ 3 આતંકવાદીઓને ઠાર મારવામાં આવ્યા છે. એવું પણ કહેવામાં આવી રહ્યું છે કે માર્યા ગયેલા ત્રણ શંકાસ્પદો પહેલગામમાં થયેલા હુમલામાં સામેલ હોઈ શકે છે.
ભારતીય સેનાના ચિનાર કોર્પ્સના જણાવ્યા અનુસાર, લિડવાસ વિસ્તારમાં ગોળીબાર શરૂ થયો હતો. આ દરમિયાન, અધિકારીઓએ જણાવ્યું હતું કે પોલીસ, સેના અને સીઆરપીએફની સંયુક્ત ટીમે મુલનારના જંગલ વિસ્તારમાં ઘેરાબંધી અને શોધખોળ અભિયાન શરૂ કર્યું હતું.
