શપથ ગ્રહણ સમારોહ: અમેરિકાના ચૂંટાયેલા રાષ્ટ્રપતિ ડોનાલ્ડ ટ્રમ્પને ઉદ્ઘાટન સમારોહ પહેલા મોટો ઝટકો લાગ્યો છે. હુશ મની કેસમાં તેની સજાની જાહેરાત 10 જાન્યુઆરીએ થવાની છે, જ્યારે શપથવિધિ સમારોહ 20 જાન્યુઆરીએ છે. આ કારણે તેમણે સુપ્રીમ કોર્ટમાં સજા બંધ કરવાની અપીલ કરી હતી, પરંતુ સુપ્રીમ કોર્ટે ટ્રમ્પની સજા રોકવાનો ઈનકાર કરી દીધો છે અને અરજી ફગાવી દીધી છે.
અમેરિકાના ચૂંટાયેલા રાષ્ટ્રપતિ ડોનાલ્ડ ટ્રમ્પ 20 જાન્યુઆરીએ દેશના રાષ્ટ્રપતિ પદના શપથ લેવાની તૈયારી કરી રહ્યા છે. તો બીજી તરફ હુશ મની કેસમાં તેમને સુપ્રીમ કોર્ટ તરફથી ઝટકો લાગ્યો છે. ન્યૂયોર્કની કોર્ટના જજે જાહેરાત કરી હતી કે, હશ મની કેસમાં ટ્રમ્પની સજાની જાહેરાત ૧૦ જાન્યુઆરીએ કરવામાં આવશે. આ પછી ટ્રમ્પે સુપ્રીમ કોર્ટને આ સજા રોકવાનો આગ્રહ કર્યો હતો, પરંતુ હવે તેમને સુપ્રીમ કોર્ટ તરફથી પણ ઝટકો લાગ્યો છે. કોર્ટે સજા રોકવાનો પણ ઈનકાર કરી દીધો છે.
ડોનાલ્ડ ટ્રમ્પે સુપ્રીમ કોર્ટને અપીલ કરી હતી કે, છેલ્લી વખત સજા સંભળાવવામાં આવી તે પહેલા 8 જાન્યુઆરી, બુધવારે સજા બંધ કરવામાં આવે. જોકે, સુપ્રીમ કોર્ટે ટ્રમ્પની હુશ મની કેસમાં સજાને રોકવાની અપીલને ફગાવી દીધી હતી. ચૂંટાયેલા રાષ્ટ્રપતિ ટ્રમ્પે સર્વોચ્ચ અદાલતને વિનંતી કરી હતી કે તેઓ તેમની સજા પર આપોઆપ સ્ટે મેળવવા માટે હકદાર છે કે કેમ તે અંગે વિચારણા કરે, પરંતુ ન્યાયાધીશે આ અરજીને 5-4થી નકારી કાઢી હતી.
શું છે હુશ મની કેસ?
હુશ મની કેસ વર્ષ ૨૦૧૬ નો કેસ છે. જેમાં ટ્રમ્પ પર કથિત રીતે એડલ્ટ સ્ટારને પૈસા આપવાનો આરોપ છે. 2016ની રાષ્ટ્રપતિ ચૂંટણી પહેલા જ આ એડલ્ટ સ્ટાર પર આરોપ છે કે તેમણે ટ્રમ્પને સંબંધને લઈને ચુપ રહેવા માટે પૈસા આપ્યા હતા. એડલ્ટ સ્ટાર સ્ટોર્મી ડેનિયલ્સ પર 1,30,000 ડોલર ચૂકવવાનો આરોપ છે. જો કે ટ્રમ્પે તમામ આરોપોને નકારી દીધા છે.
5-4થી અપીલ નામંજૂર કરવામાં આવી
આ કેસને સંભાળી રહેલા જજ જુઆન માર્ચને ટ્રમ્પની સજા માટે 10 જાન્યુઆરીની તારીખ નક્કી કરી છે. જો કે જજે પહેલા જ સંકેત આપી દીધા છે કે ટ્રમ્પને જેલની સજા નહીં આપવામાં આવે. તેમજ તેઓ તેમના પર દંડ કે પ્રોબેશન પણ નહીં લગાવે.
સુપ્રીમ કોર્ટના બે રૂઢિચુસ્ત ન્યાયમૂર્તિઓ જોન રોબર્ટ્સ અને એમી કોની બેરેટે ત્રણ ઉદારવાદી ન્યાયમૂર્તિઓ સાથે મળીને ટ્રમ્પની સજા અટકાવવાની અપીલ કરવાનો ઇનકાર કર્યો હતો. બાકીના ચાર ન્યાયમૂર્તિઓ – ક્લેરેન્સ થોમસ, સેમ્યુઅલ એલિટો, નીલ ગોર્સચ અને બ્રેટ કેવેનોઉએ ટ્રમ્પની અપીલ સ્વીકારી હતી, પરંતુ ટ્રમ્પની અપીલને 5-4 મતથી નકારી કાઢવામાં આવી હતી.
ટ્રમ્પના વકીલોએ શું દલીલ કરી હતી?
ટ્રમ્પના વકીલોએ 8 જાન્યુઆરીએ કટોકટી પ્રસ્તાવ રજૂ કરતા કહ્યું હતું કે, આ સરકાર ચલાવવામાં ગંભીર અન્યાય અને હસ્તક્ષેપ હશે. સાથે જ એમ પણ કહેવામાં આવ્યું હતું કે, ગુનાની સજા સંભળાવવામાં વિલંબ થવો જોઈએ.
જોકે ન્યૂયોર્કની કોર્ટના જજે 10 જાન્યુઆરી, શુક્રવારે ટ્રમ્પને સજા સંભળાવવાની જાહેરાત કરી હોવાથી સુપ્રીમ કોર્ટ આ કેસમાં શું કરશે, ટ્રમ્પની સજામાં વિલંબ થશે કે પછી 20 જાન્યુઆરીએ રાષ્ટ્રપતિના શપથગ્રહણ પહેલા તેમની સજાની જાહેરાત કરવામાં આવશે તેના પર સૌની નજર છે.
