ચીને તાઇવાન મુદ્દામાં જાપાનની દખલગીરી સામે કડક ચેતવણી આપી છે. ચીનની વધતી આક્રમકતા અને જાપાનના અમેરિકા સાથે મજબૂત સંરક્ષણ સંબંધોને કારણે તણાવ વધ્યો છે. તાજેતરમાં, તાઇવાનના મામલામાં જાપાનના હસ્તક્ષેપથી આ મુદ્દાને વધુ વેગ મળ્યો છે.
ઘણા દેશોએ તાઇવાન પર ચીનના વલણ પર ચિંતા વ્યક્ત કરી છે. આ દેશોમાં અમેરિકાનો નજીકનો મિત્ર જાપાન પણ સામેલ છે. ચીન અને જાપાન વચ્ચેના સંબંધો ઉતાર-ચઢાવથી ભરેલા રહ્યા છે, પરંતુ આ દિવસોમાં જાપાનની તાઇવાન સાથે વધતી નિકટતાને કારણે ચીને પોતાની આક્રમકતા દર્શાવી છે.
ચીનના ટોચના રાજદ્વારી વાંગ યીએ શુક્રવારે જાપાનને તાઇવાન સંબંધિત બાબતોમાં દખલ ન કરવા ચેતવણી આપી હતી, અને કહ્યું હતું કે બંને દેશો વચ્ચેના દ્વિપક્ષીય સંબંધોમાં તાજેતરના સુધારાના સંકેતો છતાં આમ કરવાથી દેશ માટે મુશ્કેલી જ ઉભી થશે.આ વર્ષના વાર્ષિક સંસદીય સત્ર દરમિયાન આયોજિત એક પત્રકાર પરિષદમાં બોલતા, વાંગે એમ પણ કહ્યું કે રાષ્ટ્રપતિ ડોનાલ્ડ ટ્રમ્પના વહીવટીતંત્રે આ અઠવાડિયાની શરૂઆતમાં દેશમાંથી થતી તમામ આયાત પર વધારાના ટેરિફને બમણા કરીને 20 ટકા કર્યા પછી, ચીન હિંમતભેર યુએસ દબાણનો પ્રતિકાર કરશે. વાંગના નિવેદન પછી, જાપાન અને ચીન વચ્ચે મુકાબલાની સ્થિતિ ઊભી થઈ છે. હવે પ્રશ્ન એ ઊભો થઈ રહ્યો છે કે જો આ સંઘર્ષ યુદ્ધમાં ફેરવાઈ જાય, તો કોનો વિજય થશે?
