મુખ્યપ્રધાન ભુપેન્દ્ર પટેલ બે દિવસીય દિલ્લી મુલાકાતે, ભાજપમાં મહત્વપૂર્ણ રાજકીય ઘટનાઓ
મુખ્યપ્રધાન ભુપેન્દ્ર પટેલ બે દિવસીય દિલ્લી મુલાકાતે, ભાજપમાં મહત્વપૂર્ણ રાજકીય ઘટનાઓ
ગુજરાતના મુખ્યપ્રધાન ભુપેન્દ્ર પટેલ આજથી બે દિવસની દિલ્લી મુલાકાતે روانા થયા છે. આ મુલાકાત દરમિયાન તેઓ ભાજપના કાર્યકારી રાષ્ટ્રીય અધ્યક્ષ નીતીન નબીનના ઉમેદવારી ફોર્મ ભરવાના તથા જાહેરાત કાર્યક્રમમાં ઉપસ્થિત રહેશે.
મળતી માહિતી મુજબ, ભાજપના કાર્યકારી રાષ્ટ્રીય અધ્યક્ષ નીતીન નબીન આજે દિલ્લીમાં પોતાનું ઉમેદવારી ફોર્મ ભરશે. આ પ્રસંગે મુખ્યપ્રધાન ભુપેન્દ્ર પટેલ સાથે ભાજપ પ્રદેશ પ્રમુખ જગદીશ વિશ્વકર્મા અને સંગઠન મહામંત્રી પણ દિલ્લીમાં હાજર રહેશે.
દિલ્લી સ્થિત કમલમ ખાતે યોજાનાર કાર્યક્રમમાં નીતીન નબીન દ્વારા ઉમેદવારી ફોર્મ ભરવામાં આવશે. ભાજપના સંગઠનાત્મક માળખામાં આ ઘટનાને મહત્વપૂર્ણ માનવામાં આવી રહી છે.
આ ઉપરાંત, આવતીકાલે નીતીન નબીનની રાષ્ટ્રીય અધ્યક્ષ તરીકે સત્તાવાર જાહેરાત કરવામાં આવશે, જેને લઈને ભાજપના રાજકીય વર્તુળોમાં ઉત્સાહ જોવા મળી રહ્યો છે. મુખ્યપ્રધાન ભુપેન્દ્ર પટેલની દિલ્લી મુલાકાતને પક્ષના આગામી રાજકીય આયોજન સાથે જોડીને જોવામાં આવી રહી છે.
