વડા પ્રધાન નરેન્દ્ર મોદીએ 18 એપ્રિલના રોજ ટેસ્લાના સીઇઓ એલોન મસ્ક સાથે ફરીથી વાત કરી હતી, જે આ વર્ષે બીજી વાતચીત છે. બંનેએ ટેકનોલોજી અને નવીનતાનાં ક્ષેત્રોમાં સહકારની શક્યતાઓ પર ચર્ચા કરી હતી. બંનેની છેલ્લે ફેબ્રુઆરીમાં વોશિંગ્ટન ડીસીમાં મુલાકાત થઈ હતી. પીએમ મોદીએ સોશિયલ મીડિયા પર આ વાતચીત વિશે માહિતી આપી હતી.
વડા પ્રધાન નરેન્દ્ર મોદીએ આજે (18 એપ્રિલ) ટેસ્લાના સીઇઓ એલોન મસ્ક સાથે વાત કરી હતી. તેમણે સોશિયલ મીડિયા પર આ અંગેની માહિતી શેર કરી છે. આ પહેલા ફેબ્રુઆરીમાં પીએમ મોદી અને મસ્કની મુલાકાત થઇ હતી. બે મહિનાની અંદર વડાપ્રધાન મોદી અને એલોન મસ્ક વચ્ચે આ બીજી વાતચીત છે. હાલમાં જ ટ્રમ્પે ભારત પર 26 ટકા ટેરિફ લગાવ્યો હતો.
મોદીએ સોશિયલ મીડિયા પ્લેટફોર્મ એક્સ પર પોસ્ટ કરેલા એક ટ્વીટમાં લખ્યું છે કે, “એલોન મસ્ક સાથે વાત કરી હતી અને આ વર્ષની શરૂઆતમાં વોશિંગ્ટન ડીસીમાં અમારી બેઠક દરમિયાન આવરી લેવામાં આવેલા વિષયો સહિત વિવિધ મુદ્દાઓ પર ચર્ચા કરી હતી.”
